നല്ല മലയാളം

1) 'ദയവായി ഹാളിനുപുറത്തു നില്‍ക്കുന്നവര്‍ അകത്തു പ്രവേശിക്കണം.' 2) 'ഉച്ചകഴിഞ്ഞു കുട്ടികള്‍ക്കു- ണ്ടാകുന്ന പെരുമാറ്റവൈകല്യങ്ങളെക്കുറിച്ച് പ്രഗല്ഭമനശ്ശാസ്ത്രജ്ഞന്‍ ക്ലാസ് നയിക്കും.' മേല്‍ച്ചേര്‍ത്ത വാക്യങ്ങള്‍ പ്രഥമദൃഷ്ട്യാ തെറ്റില്ലാത്തവയാണ്. സൂക്ഷ്മപരിശോധനയില്‍ മാത്രമേ അവയിലെ തെറ്റുകള്‍ ബോധ്യമാകുകയുള്ളു. ഹാളിനുപുറത്തു നില്‍ക്കുന്നവര്‍ ദയവായി അകത്തു പ്രവേശിക്കണം. കുട്ടികള്‍ക്കുണ്ടാകുന്ന പെരുമാറ്റവൈകല്യങ്ങളെക്കുറിച്ചു പ്രഗല്ഭമനശ്ശാസ്ത്രജ്ഞന്‍, ഉച്ചകഴിഞ്ഞു ക്ലാസ് നയിക്കും.

'കുട്ടികള്‍ക്ക് ആവശ്യമായ ഭക്ഷണം രക്ഷിതാക്കളുടെ നിര്‍ദേശപ്രകാരം സമയാസമയങ്ങളില്‍ നല്‍കുന്നു.' ഒരു, കിഡ്സ് ഡേ കെയര്‍- സെന്‍ററിന്‍റെ പരസ്യത്തില്‍നിന്ന് അടര്‍ത്തിയെടുത്തതാണ് ഈ വാക്യം. സമയാസമയങ്ങളില്‍, കാലാകാലങ്ങളില്‍ - എന്നൊക്കെയുള്ള പ്രയോഗങ്ങള്‍ അര്‍ഥമറിഞ്ഞുമാത്രം ഉപയോഗിക്കേണ്ടതാണ്. രക്ഷിതാക്കളുടെ നിര്‍ദേശം മാനിച്ചാണെങ്കില്‍ത്തന്നെ ആ കുഞ്ഞുങ്ങള്‍ക്ക്, ഉചിതമായ സമയത്തേ (യഥാസമയം) ഭക്ഷണം കൊടുക്കാവൂ. അസമയത്ത് അതു പാടില്ലെന്നര്‍ഥം. 'സമയാസമയങ്ങളില്‍' എന്ന സമസ്തപദത്തിനര്‍ഥം, 'സമയത്തി

'സൊയിര്യം' -തെറ്റ്. 'സ്വൈര്യം'- തെറ്റ്. 'സ്വൈരം' - ശരി. 'ഈ പിള്ളേര് ഒരു സൊയിര്യോം തരുന്നില്ലല്ലോ!' - ഇതൊരു വീട്ടമ്മയുടെ പരാതിയാണ്. 'സ്വൈര്യമായിരുന്ന ഈ പത്രമൊന്നു നോക്കാം.' - ഇതൊരു പത്രംവായനക്കാരന്‍റെ സ്വഗതം. യഥേഷ്ടം, ശാന്തമായി, സ്വന്തം ഇഷ്ടം, സുഖം -- എന്നിങ്ങനെ ഒന്നിലേറെ അര്‍ഥങ്ങളുള്ള പദമാണ് 'സ്വൈരം'. മലയാളിക്ക് പക്ഷേ, 'ര്യ' കൂട്ടി ഉച്ചരിക്കാനാണിഷ്ടം! പറച്ചിലിലെ തെറ്റ് എഴുത്തിലേക്കും സംക്രമിക്കുക സ്വാഭാവികം ചാക്കോ സി.പൊരിയത്ത് അസ്സീസി മാസിക ജൂൺ 2026

'പീഡന'വും 'പ്രതിഷേധ'വും ശരി; 'പീഢന'വും 'പ്രതിക്ഷേധ'വും തെറ്റ്..! എഴുതിക്കാട്ടേണ്ട ഇടങ്ങളില്‍മാത്രമല്ല, പറയുന്ന സന്ദര്‍ങ്ങളിലും പലപ്പോഴും തെറ്റിക്കാറുളള പദങ്ങളില്‍ രണ്ടെണ്ണമാണ് മേല്‍ച്ചേര്‍ത്തിട്ടുള്ളത്. 'ഡ'യെക്കാള്‍ കനമുണ്ട് 'ഢ'യ്ക്ക് എന്നും 'ഷ'യെക്കാള്‍ ഗൗരവമുണ്ട് 'ക്ഷ'യ്ക്ക് എന്നും ഉള്ള അബദ്ധധാരണ, അതത് പദങ്ങള്‍ ഉപയോഗിക്കേണ്ടിവരുന്ന സന്ദര്‍ഭങ്ങളുടെ വൈകാരികതയോടു ബന്ധപ്പെട്ട് രൂപപ്പെടുന്നതാവാം. 'പീഡന'ത്തെ, 'പീഠനം' പോലുമാക്കാന്‍ മടിയില്ലാത്തവിധം അക്ഷരബോധവും പദബോധവും മല

നല്ല മലയാളം ഇടത്തുനിന്നു വലത്തുകൂടിയുള്ള (ഇഹീരസ ംശലെ) ചുറ്റിസഞ്ചാരമാണ് 'പ്രദക്ഷിണം'.അതായത്,വലം- വയ്ക്കല്‍.തിരുനാള്‍പ്രദക്ഷിണങ്ങളുടെ സമയമാണ് നവംബര്‍, ഡിസംബര്‍, ജാനുവരിമാസങ്ങള്‍. ആക്ഷേപം പറയരുതല്ലോ; പ്രദക്ഷിണം എന്നുതന്നെയാണ് പത്രക്കാര്‍ അച്ചടിക്കാറുള്ളത്. അറിവുള്ളവരെന്നു നാം വിചാരി ക്കുന്ന ചിലരെങ്കിലും,പക്ഷേ, 'പ്രദിക്ഷണ'മെന്നേ പറയുകയുള്ളു..! പറച്ചിലിന്‍റെ സുഖം നോക്കിയാവാം, അത്. 'പ്രതി' എന്ന പദത്തിന്‍റെ ഓര്‍മ്മ അത്തരക്കാരെ വഴിതെറ്റിക്കുന്ന താണെന്നുംവരാം..! 'പ്രദക്ഷിണ'ത്തോടു സാ

'പഠിക്കുന്ന സ്ഥാപനമേധാവി' : '...മത്സരത്തില്‍ പങ്കെടുക്കാനാഗ്രഹിക്കുന്ന വിദ്യാര്‍ഥികള്‍, പഠിക്കുന്ന സ്ഥാപനമേധാവിയില്‍ നിന്നുളള സാക്ഷ്യപത്രം കൊണ്ടുവരേണ്ടതാണ്'. വിദ്യാര്‍ഥികള്‍ക്കുവേണ്ടി നടത്തുന്ന ഒരു സാഹിത്യമത്സരത്തിന്‍റെ അറിയിപ്പ് ഒരു വാരികയില്‍ കൊടുത്തിരുന്നതാണ് മേല്‍ച്ചേര്‍ത്തത്. മേധാവി എന്ന പദത്തിന് ബുദ്ധിമാന്‍ എന്നാണര്‍ഥമെങ്കിലും, മേലധികാരി എന്നൊരര്‍ഥവും നിലവിലുണ്ട്. (മേധാവികള്‍ ആ വാക്കിന്‍റെ തനിയര്‍ഥത്തോട് നീതിപുലര്‍ത്തുന്നവരായേ തീരൂ, എന്നൊന്നും നിര്‍ബന്ധിക്കരുത്

'.....ബഹു. മന്ത്രി ഭദ്രദീപം തെളിയിച്ചു' ഇന്നു വായിച്ച ഒരു വാര്‍ത്തയിലേതാണിത്. മുഖ്യമായ ചടങ്ങുകള്‍ക്ക് നിലവിളക്കു തെളിക്കുക എന്നൊരു രീതി നമ്മുടെ നാട്ടില്‍ പണ്ടേയുണ്ട്. വാര്‍ത്തയില്‍ പക്ഷേ, നിലവിളക്കു തെളിച്ചു എന്നല്ല കൊടുക്കാറുള്ളത്, 'ഭദ്രദീപം തെളിയിച്ചു' എന്നാണ്.! ഭദ്രദീപം തെളിയിക്കരുത്, തെളിച്ചാല്‍മതി.! 'തെളിക്കുക' എന്നതിനര്‍ത്ഥം, പ്രകാശിപ്പിക്കുക എന്നാണ്. (മേയ്ക്കുക, നിര്‍മ്മലമാക്കുക, കാടുവെട്ടി നിരപ്പാക്കുക തുടങ്ങിയ പല അര്‍ത്ഥങ്ങളും ഈ പദത്തിനുണ്ട്.) തെളിയിക്കേണ്ടത് മറ്

ഇതെന്തുതരം കായാണെന്നറിയില്ല! പലതരം കായ്കള്‍ നമുക്കു പരിചിതമാണ്. ചെടികളിലും മരങ്ങളിലുമുണ്ടാവുന്ന ഭക്ഷ്യയോഗ്യവും അല്ലാത്തവയുമായ അനേകം കായ്കളെ നമുക്കറിയാം. സസ്യബന്ധമില്ലാതെതന്നെ, കായ് വിഭാഗത്തിലുള്‍പ്പെടുത്തി നാം പേരിട്ടിട്ടുള്ള കല്ലുമ്മേക്കായ്, ഞവണിക്കായ് തുടങ്ങിയവയെയും നമുക്കറിയാം. ഇതുപക്ഷേ, ആയിനം കായ്കളിലൊന്നുമുള്‍പ്പെടാത്തൊരിനം 'കായ്' ആണ് 'ഓര്‍മ്മക്കായ് '! ഓര്‍മ്മ നിലനിര്‍ത്താന്‍ ഉപകരിക്കുന്ന പുതിയ വല്ല കായുമാണോ എന്നറിയില്ലല്ലോ! കവലയില്‍, ബസ്നിര്‍ത്തുന്നതിന്‍റെ ഓരംചേര്‍ന്ന

നല്ല മലയാളം 'പണ്ട്, നമ്മുടെ നാട്ടില്‍ അയല്‍ക്കാര്‍, തങ്ങള്‍ക്കുള്ള വിഭവങ്ങള്‍ അന്യോന്യം പങ്കുവച്ചും തമ്മില്‍ത്തമ്മില്‍ പരസ്പരം സഹകരിച്ചും ജീവിച്ചി രുന്നു.' ഈയിടെ വായിക്കാനിടയായ ഒരു വാക്യമാണിത്. വാക്യത്തിലെ തെറ്റെന്തെന്ന്, അല്പം ശ്രദ്ധിച്ചു വായിച്ചാല്‍ പെട്ടെന്നു പിടികിട്ടും. 'അന്യോന്യം', 'തമ്മില്‍ത്തമ്മില്‍', 'പരസ്പരം' - ഇവ മൂന്നും ഒരേയര്‍ഥമുള്ള പ്രയോഗങ്ങളാണ്. മേല്‍വാക്യത്തില്‍, ഇവ മൂന്നുംകൂടി ഉപയോഗിച്ചിരിക്കുന്നുവെന്നതാണ് തെറ്റ്. 'പണ്ട്, നമ്മുടെ നാട്ടില്‍ അയല്‍ക്കാര്

ഇല്ല, മാതൃഭാഷയുടെ കാര്യത്തില്‍ മലയാളി ഇനി നന്നാകുമെന്നു പ്രതീക്ഷവയ്ക്കേണ്ടതില്ല. ഇന്നു വായിക്കാനിടയായ ഒരു തലക്കെട്ടാണ് മേല്‍- ച്ചേര്‍ത്തിട്ടുള്ളത് : 'ശുചിത്വനിവാരണസദസ്സ്' സദസ്സിന്‍റെ ഉദ്ഘാടകന്‍, മന്ത്രിപദംവഹിക്കുകകൂടി ചെയ്തിട്ടുള്ള, ഇപ്പോഴും നിയമസഭാ സാമാജികനായ പ്രശസ്തവ്യക്തി... 'നിവാരണം' എന്ന പദത്തിനു നിഘണ്ടു നല്‍കുന്ന അര്‍ഥം, 'തടയല്‍' , 'തടവ്'- എന്നിങ്ങനെ. രോഗനിവാരണം, നമുക്കു പണ്ടേ പരിചിതമായ പദമാണ്. മലയാളികള്‍ ജലാശയങ്ങളിലേക്കും വഴിയോരങ്ങളിലേക്കുമൊക്കെ മാലിന്യം വലിച്ചെറിയ

വീടിന്‍റെ ഗെയ്റ്റിനോടുചേര്‍ന്ന്, ഒരു ബോര്‍ഡ്. ആ ബോര്‍ഡ്, അക്ഷരങ്ങളില്‍ നല്‍കുന്ന മുന്നറിയിപ്പ്: 'പട്ടിയുണ്ടു , സൂക്ഷിക്കുക!'. ഇവിടെ, ഒരു ഭാഷാപ്രശ്നം..! 'പട്ടിയുണ്ടു, സൂക്ഷിക്കുക.' 'പട്ടിയുണ്ട്, സൂക്ഷിക്കുക.' ആദ്യത്തെ പ്രസ്താവത്തില്‍, ആദ്യവാക്യഖണ്ഡം വിവൃതോകാര(വിവൃത 'ഉ'കാരം)ത്തില്‍ അവസാനിക്കുന്നു. രണ്ടാമത്തേതില്‍, ആദ്യവാക്യഖണ്ഡം അവസാനിക്കുന്നത് സംവൃതോകാര (സംവൃത 'ഉ'കാരം)ത്തിലാണ്. 'ഉ'കാരത്തിന്‍റെ വ്യത്യസ്തമായ പ്രയോഗസാഹചര്യങ്ങള്‍... (മുന്നറിയിപ്പുബോര്‍ഡിലെ എഴുത്ത്, 'പട്ടിയു

'വേണ്ട'യും 'വേണ്ടാ'യും : 'എനിക്കു നിങ്ങളുടെ ഔദാര്യമൊന്നും വേണ്ട'-- എന്നെഴുതുന്നതില്‍ തെറ്റുണ്ടോ? ഒരു സുഹൃത്ത് ചോദിക്കുന്നു. (അങ്ങനെ...

'...മത്സരത്തില്‍ പങ്കെടുക്കാനാഗ്രഹിക്കുന്ന വിദ്യാര്‍ഥികള്‍, പഠിക്കുന്ന സ്ഥാപനമേധാവിയില്‍ നിന്നുളള സാക്ഷ്യപത്രം കൊണ്ടുവരേണ്ടതാണ്'....

'ലക്ഷണമൊത്ത ആദ്യത്തെ മലയാള നോവല്‍ രചയിതാവാണ് ഒ.ചന്തുമേനോന്‍' -ഒരു ലേഖനത്തിലെ വാക്യമാണ് മേല്‍ച്ചേര്‍ത്തത്. 'ഇന്ദുലേഖ' എന്ന നോവലിനെയും ആ ...

ശരിനുറുങ്ങുകള്‍: 'ഇന്നുമുതല്‍ ഉത്സവം ആരംഭിച്ചു.' ഒരു സുഹൃത്തിന്‍റെ ഫെയ്സ് ബുക്ക് പോസ്റ്റിലേതാണ് ഈ വാക്യം. വ്യാകരണനിയമപ്രകാരം, ഇതിലൊരു...

"ഫുഡ് കഴിച്ചോ?" "ഞാന്‍ ഫുഡ് കഴിച്ചിട്ടുവരാം" "ഫുഡ് കഴിക്കാന്‍ പോലും നേരം കിട്ടുന്നില്ലെന്നേ!" സമീപകാലത്ത്, ഭക്ഷണം കഴിക്കുന്നതുമായി...

ഒരു കെ.എസ്.ആര്‍.ടി.സി. ബസിന്‍റെ മുമ്പിലെ ബോര്‍ഡില്‍ കണ്ടത്: "തീര്‍ഥാടനയാത്ര". ശബരിമലയ്ക്കുള്ള സ്പെഷ്യല്‍ ബസാണെന്നു തോന്നുന്നു. 'അടനം'...

വൃശ്ചികം എന്ന മലയാള മാസത്തിന്‍റെ ഓര്‍മ്മയിലാവാം, പലരും, യാദൃച്ഛികം എന്ന പദത്തിന്‍റെ മൂന്നാമക്ഷരം 'ശ്ച' എന്നെഴുതാറുള്ളത്. 'നിശ്ചയം',...

'മാന്യരേ,' സംബോധനകള്‍ എപ്പോഴും ദീര്‍ഘസ്വരത്തിലേ അവസാനിക്കാവൂ എന്ന് മുന്‍പൊരു ലക്കത്തില്‍ കുറിച്ചിരുന്നു. സ്നേഹിതരേ, അധ്യക്ഷാ, സഹോദരാ,...

മുന്‍ ഉദ്യോഗസ്ഥരുടെ സംഘടന, സംസ്ഥാനവാര്‍ഷികത്തോടനുബന്ധിച്ച് ഒരു സ്മരണിക പ്രസിദ്ധീകരിക്കുന്നു. ലേഖനം, ചെറുകഥ, കവിത എന്നീ ഇനങ്ങളില്‍...