ക്രിയ

യേസൂസ് എന്ന് ഗ്രീക്കിലും യേശു എന്ന് മലയാളത്തിലും ജീസസ് എന്ന് ഇംഗ്ലീഷിലും മൊഴിമാറ്റം ചെയ്യപ്പെട്ടിട്ടുള്ള 'യേഷുവാ' എന്ന നാമത്തിൻ്റെ അർത്ഥം 'യാഹ്‌വേഹ് രക്ഷിക്കുന്നു' എന്നാണ്.

തൻ്റെ ഗുരു വെള്ളത്തിനുമീതേ നടക്കുന്നതുകണ്ട് അങ്ങനെ ചെയ്യാൻ കൊതികൊണ്ട പത്രോസ് യേശുവിനോട് ചോദിക്കുന്നു: 'ഞാൻ വെള്ളത്തിനുമേലേ നിൻ്റെ അടുത്തേക്ക് വരാൻ കല്പിക്കണമേ'. "വരൂ" എന്ന് മറുപടി.

തോണിയിൽ നിന്നിറങ്ങി പത്രോസ് " ഞാൻ ആകുന്നു" എന്ന് പറഞ്ഞവൻ്റെ അടുത്തേക്ക് നടന്നു. അലറുന്ന കാറ്റിനെ കണ്ട് ഭയന്നപ്പോൾ അവൻ മുങ്ങാൻ തുടങ്ങി. അവൻ നിലവിളിച്ചു: "അദോണി, ഹോഷിയേനി" (കർത്താവേ, എന്നെ രക്ഷിക്കണേ).

കഴുതപ്പുറത്തിരുന്ന് ജറൂസലേമിൽ പ്രവേശിച്ച യേശുവിനെ ജനം കുരുത്തോലകളും ഒലിവിൻ ചില്ലകളും എടുത്ത് സ്വീകരിച്ചു. എന്നിട്ടവർ ആർത്തുവിളിച്ചു: "ഹോഷിയാ'നാ" (ഹോസാനാ): "ഞങ്ങളെ രക്ഷിക്കണേ".

യേഷുവാ;

ഹോഷിയേനി;

ഹോഷിയാ'നാ:

മൂന്നും ഒരേ ക്രിയാധാതുവാണ്!