'മാത്യു മിടുക്കനായ ഒരു ഫുട്ബോള് കളിക്കാരനായിരുന്നു. പക്ഷെ കളിക്കിടയിലുണ്ടായ ഒരു ചെറിയ അപകടത്തെ തുടര്ന്ന് കുറേനാള് റസ്റ്റ് എടുക്കേണ്ടതായി വന്നു. വളരെ ചുറുചുറുക്കുള്ള കളിക്കാരനായതിനാല് അധികം നാള് കട്ടിലില് തന്നെ കിടക്കാന് അവനു മനസ്സില്ലായിരുന്നു. അങ്ങനെ ഇരിക്കുമ്പോഴാണ് തന്റെ മുറിയിലിരിക്കുന്ന റുബിക്സ് ക്യൂബ് അവന്റെ ശ്രദ്ധയില്പെടുന്നത്. പിന്നീട് അത് എങ്ങനെ സോള്വ് ചെയ്യാം എന്നതായി അവന്റെ മനസ്സില്. അങ്ങനെ നിരന്തരമായ പ്രയത്നം കൊണ്ട് അവനു അത് സാധിക്കുക തന്നെ ചെയ്തു. അതിനുശേഷം അവന് പലതരം മൈന്ഡ് ഗെയിമുകള് കളിക്കാനും ബുദ്ധിമുട്ടുള്ള പസിലുകള് ചെയ്യാനും തുടങ്ങി. പിന്നീട് 2 മാസത്തെ വിശ്രമത്തിനു ശേഷം, അവന് മെച്ചപ്പെട്ട വേഗതയും റിഫ്ലെക്സുകളും വികസിപ്പിച്ചെടുക്കുകയും മുമ്പത്തേക്കാള് നന്നായി ഫുട്ബോള് കളിക്കുകയും ചെയ്തു. ഇത്തരത്തിലുള്ള അനുഭവം പലര്ക്കും അവരുടെ ദൈനംദിന ജീവിതത്തില് ഉണ്ടാകാറുണ്ട്. പുതിയ കഴിവുകള് വികസിപ്പിക്കുകയോ പഠിക്കുകയോ ചെയ്തതിന് ശേഷം അവര് തങ്ങളുടെ ജോലിയില് കൂടുതല് മെച്ചപ്പെടുന്നു.
പുതിയ കാര്യങ്ങള് പഠിക്കുന്നത് തലച്ചോറിനെ സ്വാധീനിക്കുന്നത് എങ്ങനെ?
ഒരു പുതിയ വൈദഗ്ദ്ധ്യം നേടുന്നത് മസ്തിഷ്ക ആരോഗ്യത്തിന് അനന്തമായി പ്രയോജനകരമാണെന്ന് ധാരാളം ഗവേഷണങ്ങള് സൂചിപ്പിക്കുന്നു. ഡിമെന്ഷ്യ, മസ്തിഷ്ക ക്ഷതം (Brain Atrophy) എന്നിവ പോലും കുറയ്ക്കാന് കഴിയും എന്ന് തെളിയിക്കപ്പെട്ടിട്ടുണ്ട്.
നമ്മുടെ മസ്തിഷ്കത്തിന് പ്രായത്തിനനുസരിച്ച് പഠിക്കാനും വളരാനുമുള്ള കഴിവുണ്ട് - ന്യൂറോപ്ലാസിറ്റി (Neuroplasticity) എന്ന് അതിനെ വിളിക്കുന്നു. ഒരു ഭാഷയോ അല്ലെങ്കില് സംഗീത ഉപകരണമോ ചെറുപ്പകാലത്തു പഠിക്കുന്നത് തലച്ചോറിന്റെ വളര്ച്ചയെ സഹായിക്കും എന്ന് മാത്രമല്ല പ്രായമാവുമ്പോള് അവയുടെ പ്രവര്ത്തനങ്ങള് മെച്ചപ്പെടുത്താനും ഉപകരിക്കും. വെല്ലുവിളി നിറഞ്ഞ എന്തെങ്കിലും പഠിക്കുന്നതിലൂടെ നമ്മുടെ മസ്തിഷ്കം സജീവമായി നിലനില്ക്കുകയും തലച്ചോറിന്റെ വേഗതയും പ്രോസസ്സ് ചെയ്യാനുള്ള കഴിവു മെച്ചപ്പെടുത്തുകയും ചെയ്യുന്നു. അതിനാല് പുതിയ കഴിവുകള് വികസിപ്പിക്കേണ്ടത് വളരെ പ്രധാനമാണ്. പുതിയതും വെല്ലു വിളി നിറഞ്ഞതുമായ ഒരു പ്രവര്ത്തനം പരിശീലിക്കുന്നത് വൈജ്ഞാനിക കഴിവുകള് കെട്ടിപ്പടുക്കുന്നതിനും പരിപാലിക്കുന്നതിനുമുള്ള ഒരു നല്ല പ്രക്രിയയാണ്. നമ്മുടെ അഭിനിവേശമോ കഴിവുകളോ അനുസരിച്ച് പുതിയ കാര്യങ്ങള് പഠിക്കാന് ശ്രമിക്കുകയാണെങ്കില്, തലച്ചോറില് അതിന്റെ പോസിറ്റീവ് ഫലം പലമടങ്ങ് ആയിരിക്കും. നമ്മുടെ തലച്ചോറിന്റെ ശക്തി നമ്മുടെ അഭിനിവേശത്തിലൂടെയോ കഴിവുകളിലൂടെയോ മനസ്സിലാക്കാന് കഴിയും. അതുകൊണ്ടാണ് നമുക്കുള്ള ജന്മസിദ്ധമായ കഴിവുകളെ നാം പരിപോഷിപ്പിക്കേണ്ടത്. ചുരുക്കത്തില് 'ബ്രെയിന് വര്ക്ക്ഔട്ട് ' എന്നത് കൂടുതല് കൂടുതല് പുതിയ കഴിവുകള് പഠിക്കുകയും നേടുകയും ചെയ്യുന്നതിനെ സൂചിപ്പിക്കുന്നു.
നിങ്ങള് ഏത് പുതിയ പ്രവര്ത്തനം തിരഞ്ഞെടുത്താലും, മസ്തിഷ്ക പരിശീലനം പരമാവധിയാക്കുന്നതിന് ഇനി പറയുന്ന മാര്ഗ്ഗനിര്ദ്ദേശങ്ങള് പാലിക്കുന്നുണ്ടെന്ന് ഉറപ്പാക്കുക:
അഭിനിവേശത്തിനോ താല്പ്പര്യത്തിനോ അനുസരിച്ച് നമ്മള് പഠിക്കാന് ആഗ്രഹിക്കുന്ന കഴിവുകള് തിരഞ്ഞെടുക്കുക. നാം കൂടുതല് കൂടുതല് കഴിവുകള് നേടിയെടുക്കുന്തോറും അത് നമ്മുടെ തലച്ചോറിന്റെ പ്രവര്ത്തനത്തിന് കൂടുതല് ഗുണം ചെയ്യും.
വെല്ലുവി ളികളെ സ്വീകരിക്കുക
നമ്മുടെ തലച്ചോറ് വികസിക്കുന്നതു പുതിയ വെല്ലുവിളികള് നേരിടുമ്പോഴാണ്. അങ്ങനെ നമ്മള് കൂടുതല് കൂടുതല് വെല്ലുവിളികള് ഏറ്റെടുക്കുമ്പോള്, സ്വയമേവ നമ്മുടെ മസ്തിഷ്കം ശക്തി പ്രാപിച്ചുകൊണ്ടേയിരിക്കുന്നു
സങ്കീര്ണ്ണത
സങ്കീര്ണ്ണമായ ഒരു പ്രവര്ത്തനം ആവേശം മാത്രമല്ല, പ്രശ്നപരിഹാരവും ക്രിയാത്മക ചിന്തയും പോലുള്ള പ്രത്യേക മേഖലകളില് പ്രവര്ത്തിക്കാന് നമ്മുടെ തലച്ചോറിനെ പ്രേരിപ്പിക്കുന്നു. സൈക്കോളജിക്കല് സയന്സില് നടത്തിയ ഒരു പഠനത്തില്, ഡിജിറ്റല് ഫോട്ടോഗ്രാഫി അല്ലെങ്കില് ക്വില്റ്റിംഗ് പോലെയുള്ള പുതിയതും സങ്കീര്ണ്ണവുമായ പ്രവര്ത്തനങ്ങള് ചെയ്യുന്ന 60-നും 90-നും ഇടയില് പ്രായമുള്ള മുതിര്ന്നവര്, വായനയും ക്രോസ് വേഡ് പസിലുകള് പോലുള്ള കൂടുതല് പരിചിതമായ പ്രവര്ത്തനങ്ങള് ചെയ്യുന്നവരെക്കാളേറെ ഓര്മ്മശക്തി ഉള്ളവരായി കണ്ടെത്തി.
തുടര്ച്ചയായ പരിശീലനം ശീലമാക്കുക
പരിശീലനം എന്നത് ശാശ്വതമായ ഒരു സംഭവ മാണ്. അത് തലച്ചോറിന്റെ പ്രവര്ത്തനത്തിനു ഉത്തേജനം നല്കുന്നു. ഒരു കാര്യത്തില് എത്ര മാത്രം പരിശീലനം നേടാന് സാധിക്കുന്നുവോ അത്രതന്നെ നമ്മുടെ തലച്ചോറ് പ്രവര്ത്തനക്ഷമമാവുകയും മെച്ചപ്പെടുകയും ചെയ്യുന്നു.
മാനസികാരോഗ്യ നേട്ടങ്ങള്:
* നമ്മുടെ തലച്ചോറിന്റെ ആരോഗ്യവും ഓര്മ്മശക്തിയും മെച്ചപ്പെടുത്തുന്നു.
ഒരു പുതിയ വൈദഗ്ദ്ധ്യം പഠിക്കുന്നത് തലച്ചോറിന്റെ ശാരീരിക ഘടനകളെ മാറ്റുമെന്ന് ന്യൂറോ സയന്റിസ്റ്റുകള് പറയുന്നു. തലച്ചോറിലെ ന്യൂറോണുകളെ ഉത്തേജിപ്പിക്കുന്നതിലൂടെ, കൂടുതല് ന്യൂറല് പാതകള് രൂപം കൊള്ളുന്നു; കൂടുതല് പാതകള് രൂപപ്പെടുമ്പോള്, ഉത്തേജകങ്ങള്ക്കു വേഗത്തില് സഞ്ചരിക്കാനാകുന്നു.
ഇത് തലച്ചോറിലെ മൈലിന് വര്ദ്ധിപ്പി ക്കുന്നു. (മൈലിന് ആക്സോണുകളിലേക്കും ന്യൂറോണുകളിലേക്കും ഒരു കോട്ടിംഗായി പ്രവര് ത്തിക്കുന്നു). എന്തെങ്കിലും പഠിക്കാന് നമ്മള് എത്രത്തോളം പരിശീലിക്കുന്നുവോ അത്രത്തോളം മൈലിന് സാന്ദ്രമായിത്തീരുന്നു. ഇത് മികച്ചരീതിയിലും വേഗത്തിലും പഠിക്കാന് നമ്മെ സഹായിക്കുന്നു.
കൂടുതല് മൈലിന് ഉപയോഗിച്ച് ക ൂടുതല് ന്യൂറല് പാതകള് രൂപം കൊള്ളുന്നു. കൂടുതല് വിവരങ്ങള് പ്രോസസ്സ് ചെയ്യുമ്പോള് വൈദ്യുത പ്രേരണകളെ വേഗത്തില് സഞ്ചരിക്കാന് ഇത് അനുവദിക്കുന്നു, അതായത് വിവരങ്ങള് പ്രോസസ്സ് ചെയ്യാനും വേഗത്തില് നൈപുണ്യമുണ്ടാക്കാനും കഴിയും. കൂടുതല് പഠിക്കുന്തോറും കൂടുതല് വഴി കള് ഉത്പാദിപ്പിക്കപ്പെടുന്നു, അതോടൊപ്പം നമ്മുടെ മസ്തിഷ്കം വേഗത്തില് പ്രതികരിക്കുകയും ചെയ്യുന്നു.
പ്രായം ചെല്ലുംതോറും കൂടുതല് കാര്യങ്ങള് പഠിക്കുന്നത് വാര്ദ്ധക്യത്തില് നിന്ന് തലച്ചോറിനെ സംരക്ഷിക്കുന്നതിനുള്ള ഒരു മാര്ഗമാണ്. കാരണം അത് 'Neuroplasticity' (പുതിയ ന്യൂറല് പാതകള് വികസിപ്പിക്കാനുള്ള തലച്ചോറിന്റെ കഴിവ്) പ്രോത്സാഹിപ്പിക്കുന്നു. ഇത് ഡിമെന്ഷ്യയെ ഒരു പരിധി വരെ അകറ്റി നിര്ത്താന് സഹായിക്കുന്നു.
* നമ്മുടെ മാനസിക സുഖവും സന്തോഷവും വര്ദ്ധിപ്പിക്കുന്നു.
പുതിയതായി എന്തെങ്കിലും പഠിക്കുന്നത് നമ്മളെ കൂടുതല് രസികനായ ഒരു വ്യക്തിയാക്കുന്നു. അറിവ്, ആത്മവിശ്വാസം എന്നിവ വര്ദ്ധിക്കുന്നു. ഇത് നമ്മുടെ ജീവിതത്തിന്റെ ഗുണനിലവാരം മെച്ചപ്പെടുത്തുകയും ബന്ധങ്ങളെ കൂടുതല് ആഴത്തിലാക്കുകയും ചെയ്യുന്നു. അതിന് നമ്മുടെ ആത്മാഭിമാനം വര്ദ്ധിപ്പിക്കാനും ലക്ഷ്യബോധം നല്കാനും സാധിക്കുന്നു. ഇത് തലച്ചോറിലെ ഡോപമിന് എന്ന രാസവസ്തുവിന്റെ പ്രകാശനം സജീവമാക്കുകയും നമ്മളിലെ ഊര്ജ്ജ നിലയും പ്രതിരോധശേഷിയും വര്ദ്ധിപ്പിക്കുകയും ചെയ്യുന്നു. ദൈനംദിന ജീവിതത്തിലെ സമ്മര്ദ്ദം നേരിടാന് അത് നമ്മളെ സഹായിക്കുന്നു.
* മറ്റുള്ളവരുമായിട്ടുള്ള ബന്ധം വളര്ത്തുന്നു.
ഒരു പുതിയ വൈദഗ്ദ്ധ്യം കരസ്ഥമാക്കുന്നതു നമ്മുടെ സാമൂഹിക കഴിവുകള് മൂര്ച്ചയുള്ളതാക്കാന് സഹായിക്കുന്നു. പുതിയ വെല്ലുവിളികളെ നേരിടുവാനും പ്രായമാകുമ്പോള് സംഭവിക്കുന്ന സാമൂഹിക ഒറ്റപ്പെടലില് നിന്നും രക്ഷപ്പെടാനും ഇത് സഹായിക്കുന്നു.
അതായത് ഇത് നമ്മെ കംഫര്ട്ട് സോണില് നിന്ന് പുറത്താക്കുകയും പുതിയ കാര്യങ്ങള് പരീക്ഷിക്കാന് നമ്മെ വെല്ലുവിളിക്കുകയും ചെയ്യുന്നു. മാറ്റങ്ങളുമായി പൊരുത്തപ്പെടാനും പുതിയ കഴിവുകള് നേടാനും,കൂടുതല് കൂടുതല് ആളുകളെ സ്വാധീനിക്കാനും കഴിയുമെന്ന അവസ്ഥയില് തൊഴില്പരമായി മുന്നേറാന് അത് നമ്മെ സഹായിക്കുന്നു.
* നമ്മുടെ പ്രസക്തി നിലനിര്ത്തുന്നു.
ആധുനിക ലോകം ഒരു ബ്രേക്ക്-നെക്ക് സ്പീ ഡില് നീങ്ങുന്നു എന്ന് നമുക്കറിയാം. ഇക്കാര ണത്താല് ഒന്നുകില് നമ്മള് ഒഴുക്കിനൊപ്പം മുന്നോട്ടു പോവുകയോ അല്ലെങ്കില് പിന്തള്ളപ്പെടുകയോ ചെയ്തേക്കാം. അതുകൊണ്ടാണ് പഠനത്തിലൂടെയും കോഴ്സുകളിലൂടെയും പ്രൊഫഷണല് വികസനം അനിവാര്യമായത്.
എന്താണ് പഠിക്കേണ്ടതെന്ന് നിങ്ങള് ആശ്ചര്യപ്പെടുന്നുണ്ടെങ്കില്, അല്പ്പം ആത്മപരിശോധന നടത്തുക: കുട്ടിക്കാലം മുതല് നിങ്ങള്ക്ക് എപ്പോ ഴും താല്പ്പര്യമോ അഭിനിവേശമോ തോന്നിയിരുന്നത് എന്തിനോടായിരുന്നു?
പുതിയതും ആവേശകരവുമായ എന്തെങ്കിലും പഠിക്കുന്നതിലെ സംതൃപ്തി, ഒരു ഹോബി എന്ന നിലയിലായാലും കരിയറിന്റെ ഭാഗമായിട്ടായാലും, തീര്ച്ചയായും നിങ്ങള്ക്ക് സന്തോഷവും സംതൃപ്തിയും നല്കുന്നു.
* വാര്ദ്ധക്യത്തില് ഇത് എങ്ങനെ സഹായിക്കും?
പ്രായത്തിനനുസരിച്ച് മൈലിന് സ്വാഭാവികമായും കുറയുന്നു. ഇത് പിന്നീട് ജീവിതത്തില് വെല്ലുവിളി നിറഞ്ഞ കഴിവുകള് ഏറ്റെടുക്കുന്നത് ബുദ്ധിമുട്ടാക്കുന്നു. മസ്തിഷ്കത്തിന് ഏത് പ്രായ ത്തിലും വളരാന് സാധിക്കും. പ്രായമാകുമ്പോല് ഒരു പുതിയ വൈദഗ്ദ്ധ്യം പഠിക്കുന്നത് മൈലിന് വീണ്ടും വളരാനും അതുവഴി മസ്തിഷ്ക ശക്തി മെച്ചപ്പെടുത്താനും അനുവദിക്കുന്നു.
മസ്തിഷ്ക കോശങ്ങളുടെയും കേന്ദ്ര നാഡീവ്യൂഹങ്ങളുടെയും വര്ദ്ധിച്ചുവരുന്ന അപചയത്തില് അല്ഷിമേഴ്സ്, ഡിമെന്ഷ്യ എന്നിവയിലും ഡിമെയിലിനേഷന് (demyelination) ഉണ്ടെന്ന് നിര്ദ്ദേശിക്കപ്പെട്ടിട്ടുണ്ട്. ഈ രീതിയില്, മസ്തിഷ്ക പരിശീലനത്തിലൂടെയും കഴിവുകളെ വെല്ലുവിളിക്കുന്നതിലൂടെയും മൈലിന് വളര്ച്ചയെ സഹായിക്കുന്നതിലൂടെ ഡിമെന്ഷ്യ ഒരു പരിധിവരെ ഒഴിവാക്കാനും മെമ്മറി മെച്ചപ്പെടുത്താനും കഴിയുമെന്ന് പല ഗവേഷകരും വിശ്വസിക്കുന്നു.
ഓര്ക്കുക - വ്യായാമം ചെയ്യുമ്പോള് നമ്മുടെ ശരീരബലം വര്ദ്ധിക്കുന്നതുപോലെ, തലച്ചോറിനെ എത്രതന്നെ ഉപയോഗിക്കുന്നുവോ അത്ര തന്നെ അതിന്റെ ശക്തി വര്ദ്ധിക്കുന്നു.
ഡോ. അരുണ് ഉമ്മന്
സീനിയര് കണ്സള്ട്ടന്റ് ന്യൂറോ സര്ജന്
ലേക്ഷോര് ഹോസ്പിറ്റല്,
കൊച്ചി
Related Posts
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
