തിരഞ്ഞെടുപ്പിന്‍റെ കാലമായതുകൊണ്ട് വലിയ ശബ്ദകോലാഹലങ്ങളാണ് ചുറ്റും വന്നു നിറയുന്നത്. എതിരാളികളെ തോല്‍പ്പിക്കാന്‍, പോരുകോഴികളെപ്പോലെ സജ്ജരായി നിലകൊള്ളുന്ന ചര്‍ച്ചാജീവികള്‍ സത്യത്തെ കഴുത്തുഞെരിക്കുന്നത് നാം നിസ്സഹായരായി നോക്കിനില്‍ക്കേണ്ടിവരുന്നു. പല സ്റ്റോറികളും ആഖ്യാനങ്ങളും കടത്തിവിട്ട് തലച്ചോറിനെ കലക്കിമറിക്കുന്ന രാക്ഷസീയമായ കൂത്താട്ടങ്ങളും പേക്കൂത്തുകളും എവിടെയും പെരുകുന്നു. അപരനെ നരകമായി കാണുന്ന, ശത്രുവായിക്കാണുന്ന പ്രവണത വളരെ ശക്തമാണ്.

Key Takeaways: The article, authored by Joy Mathew Plathara, discusses how communication becomes offensive speech. He offers 10 ways to improve it. കാര്യങ്ങള്‍ സുന്ദരമായി പറയുന്നതിനാണ് ഭാഷ. പറയുന്നയാള്‍ക്കു മാത്രമല്ല, കേള്‍ക്കുന്നയാള്‍ക്കും സുന്ദരമായി തോന്നേണ്ടതുണ്ട്. കേള്‍ക്കുന്നയാളെ ആശയപരമായി സ്വാധീനിക്കുവാനും നേടുവാനുമാണ് സംസാരിക്കുന്നതു തന്നെ. കേള്‍ക്കുന്നയാള്‍ക്ക് അപമാനമായോ ആത്മക്ഷതമായോ സംസാരം അനുഭവപ്പെട്ടാല്‍ ആശയവിനിമയം ആക്ഷേപവിനിമയമായി മാറും. നേടുക എന്നതിനു പകരം ബന്ധ