നമ്മുടെയെല്ലാവരുടെയും ഉള്ളില്‍ ഒരു രത്നമുണ്ട്. വിലയുള്ള ഒരു രത്നമാണത്. ആ വിലപ്പെട്ട രത്നത്തെ ചില പൊടിപടലങ്ങള്‍ മറച്ചുകളയുന്നു. അതില്‍നിന്നു പുറപ്പെടുന്ന പ്രകാശകിരണങ്ങളെ ചില പുകപടലങ്ങള്‍ മൂടിക്കളയുന്നു. ജീവിതത്തെ തകര്‍ച്ചയിലേക്കു നയിക്കുന്ന ചില ശീലങ്ങള്‍ നമ്മുടെയുള്ളിലുണ്ട്. നമ്മുടെയുള്ളിലെ പ്രകാശത്തിനു മങ്ങലേല്‍പ്പിക്കുന്ന ഒന്നാമത്തെ ശീലം നാളത്തേയ്ക്ക് മാറ്റിവയ്ക്കലാണ്.