മതാന്തര സംവാദത്തിന്റെ ദൈവശാസ്ത്രം: വി. ഫ്രാന്സീസ് അസ്സീസിയും
ഫ്രാന്സീസ് പാപ്പയുടെ അപ്പസ്തോലിക യാത്രയും
ഫ്രാന്സീസ് പാപ്പയുടെ പ്രവര്ത്തനങ്ങളിലൂടെയും പ്രബോധനങ്ങളിലൂടെയും നവോന്മേഷത്തോടെ ഉയര്ന്നുവരുന്ന ആധുനിക കത്തോലിക്കാ സഭയുടെ ദൈവശാസ്ത്രത്തില്, മതാന്തര സംവാദം ഒരു സുപ്രധാന വിഷയമാണ്. പ്രത്യേകിച്ച് മതാന്തര സഹകരണത്തിലൂടെ സാഹോദര്യം, സമാധാനം, അനുകമ്പ എന്നിവ പരിപോഷിപ്പിക്കുന്നതിനുള്ള അദ്ദേഹത്തിന്റെ പ്രതിബദ്ധത, നൂറ്റാണ്ടുകള്ക്ക് മുമ്പ് ഈജിപ്തിലെ സുല്ത്താനുമായി സമാധാനത്തിനും ധാരണയ്ക്കും ശ്രമിച്ചിരുന്ന വിശുദ്ധ ഫ്രാന്സീസ് അസ്സീസിയുടെ മാതൃകയെ പ്രതിധ്വനിക്കുന്നു. ഫ്രാന്സീസ് പാപ്പയുടെ 2024-ലെ ഇന്തോനേഷ്യ, പാപ്പുവ ന്യൂ ഗിനിയ, ഈസ്ത് ടിമോര്, സിംഗപ്പൂര് എന്നിവിടങ്ങളിലേക്കുള്ള അപ്പോസ്തോലിക യാത്ര പരിശോധിച്ചാല് മതാന്തര സംവാദത്തിന്റെ ഈ ദൈവശാസ്ത്രത്തെ വീക്ഷിക്കാന് നമുക്ക് സാധിക്കും. സമാധാനത്തിന്റെയും അനുസരണത്തിന്റെയും അപ്പോസ്തലനായ അസ്സീസിയുടെ പൈതൃകത്തിന്റെ തുടര്ച്ചയെ പാപ്പയുടെ പ്രവര്ത്തനങ്ങള് വിഭാവനം ചെയ്യുന്നു. അല്-അസ്ഹറിയെ ഗ്രാന്ഡ് ഇമ്മാമുമായുള്ള പാപ്പയുടെ കൂടിക്കാഴ്ചയും പിന്നീട് പല മത നേതാക്കളുമായുള്ള ബന്ധവും മാനവികതയെക്കുറിച്ചുള്ള ഫ്രാന്സിസ് പാപ്പയുടെ കാഴ്ച്ചപ്പാടും സാഹോദര്യം, കരുണ എന്നിവയുടെ പ്രാധാന്യവും അടിവരയിടുന്നു.
ഫ്രാന്സീസ് അസ്സീസി: സമാധാനത്തിന്റെ അപ്പോസ്തലന്
ഒക്ടോബര് 4-ന്, കത്തോലിക്കാ സഭ വിശുദ്ധ ഫ്രാന്സീസ് അസ്സീസിയുടെ തിരുനാള് ആഘോഷിക്കുന്നു. അദ്ദേഹത്തെ 'രണ്ടാം ക്രിസ്തു' എന്നാണ് വിളിക്കുന്നത്. യുദ്ധകാലത്ത് ജീവിച്ചിരുന്നുവെങ്കിലും, ക്രിസ്തുവിനോടുള്ള ആഴത്തിലുള്ള വിശ്വാ സത്തിലും അനുസരണത്തിലും പ്രശസ്തനായ വിശുദ്ധ ഫ്രാന്സീസ് സമാധാനത്തിലും സാഹോദര്യത്തിലും എല്ലായ് പ്പോഴും മറ്റുള്ളവരുമായി ഇടപഴകി. മറ്റ് സംസ്കാരങ്ങള്ക്കും മതങ്ങള്ക്കും കാഴ്ചപ്പാടുകള്ക്കും എതിരല്ലാതെ, തുറന്ന മനസ്സോടെ ദൈവവചനം അദ്ദേഹം കൈകാര്യം ചെയ്തു. സാര്വത്രിക സാഹോദര്യത്തെക്കുറിച്ചുള്ള അദ്ദേഹത്തിന്റെ കാഴ്ചപ്പാട് മനുഷ്യര്ക്കു മാത്രമല്ല, എല്ലാ സൃഷ്ടികളിലേക്കും വ്യാപിച്ചു. വിശുദ്ധ ഫ്രാന് സീസ് സൂര്യനെ 'സഹോദരന്' എന്നും, ചന്ദ്രനോട് 'സഹോദരി' എന്നും, മരണത്തെ പോലും 'സഹോദരി മരണം' എന്നും വിളിച്ചു. എല്ലാ സൃഷ്ടി കളുമായുള്ള അദ്ദേഹത്തിന്റെ ആഴത്തിലുള്ള ആത്മീയബന്ധം സമാധാനത്തിന്റെയും അനുര ഞ്ജനത്തിന്റെയും സുവിശേഷ സന്ദേശത്തിന് ഉത്തമ ഉദാഹരണമായിരുന്നു.
വിശുദ്ധ ഫ്രാന്സീസിന്റെ ജീവിതത്തിലെ സുപ്രധാന രണ്ട് സംഭവങ്ങള് സമാധാനത്തിന്റെ മൂര്ത്തീഭാവമായി അദ്ദേഹത്തെ കാണുവാന് നമ്മെ സഹായിക്കുന്നു: അഞ്ചാം കുരിശുയുദ്ധത്തിനിടെ സുല്ത്താന് മാലിക് അല്-കാമിലുമായുണ്ടായ കണ്ടുമുട്ടലും ഗുബ്ബിയോയിലെ ചെന്നായയുമായി സമാധാനം സ്ഥാപിക്കാന് അദ്ദേഹം ഇടപെട്ടതിന്റെ കഥയും. അക്രമം നിരസിച്ചും സംഭാഷണത്തെ ഒരു മാര്ഗമായി തിരഞ്ഞെടുത്തും, സമാധാനത്തിന്റെ ഉപകരണമാകാനുള്ള തന്റെ ആഹ്വാനം ഫ്രാന്സീസ് എങ്ങനെ നിറവേറ്റിയെന്നത് ഈ കഥകള് വ്യക്തമാക്കുന്നു.
സുല്ത്താന് അല്-കാമിലുമായുള്ള കൂടിക്കാഴ്ച
1215 നവംബര് 30-ന്, ഇന്നസെന്റ് മൂന്നാമന് പാപ്പ, ഒരു കൂട്ടം ജനത വിശുദ്ധ നാടിനെ 'അവിശുദ്ധമാക്കി' എന്ന് ആരോപിച്ച അവര്ക്കെതിരെ ഒരു പുതിയ കുരിശുയുദ്ധത്തിന് ആഹ്വാനം ചെയ്തു. ഈ അക്രമാസക്തമായ സംഘര്ഷത്തിനിടയില്, ഫ്രാന്സീസും അദ്ദേഹത്തിന്റെ അനുയായികളും കുരിശുയുദ്ധത്തെ പിന്തുണയ്ക്കാന് അനുസരണ വ്രതത്തിന്റെ പേരില് സമ്മര്ദ്ദം നേരിടുകയായിരുന്നു. ഫ്രാന്സീസ് സഭയെ അനുസരിക്കുമെന്ന് പ്രതിജ്ഞ ചെയ്തിരുന്നെങ്കിലും, അദ്ദേഹത്തിന്റെ പ്രാഥമിക വിശ്വസ്തത മനുഷ്യരാശിയോട് ആയിരുന്നു, ക്രിസ്തുവിന്റെ സ്നേഹവും സമാധാനവും പ്രഘോഷിക്കുന്ന സന്ദേശത്തോടായിരുന്നു. ഫ്രാന്സീസിന്, യുദ്ധം പിന്തുടരുന്ന മനുഷ്യന്റെ അധികാരവുമായി ദൈവരാജ്യത്തെ ഒരുമിപ്പിക്കാന് കഴിയില്ല. യഥാര്ത്ഥ അനുസരണം ക്രിസ്തുവിന്റെ അനുരഞ്ജന സന്ദേശത്തോടാണെന്ന്, ഭൗതിക വിജയത്തിനായി അക്രമാസക്തമായ പിന്തുടരലല്ലെന്ന്, അദ്ദേഹം വിശ്വസിച്ചു.
ക്രിസ്തുവിന്റെ യഥാര്ത്ഥ അപ്പോസ്തലനായ ഫ്രാന്സീസ്, കുരിശുയുദ്ധക്കാരുടെ യുദ്ധശ്രമങ്ങ ള്ക്ക് സമൂലമായ ഒരു ബദല് നിര്ദ്ദേശിച്ചു: അനുര ഞ്ജനം. ശത്രുക്കളെ സ്നേഹിക്കാനുള്ള സുവിശേ ഷത്തിന്റെ ആഹ്വാനത്തിലാണ് അദ്ദേഹത്തിന്റെ അഭ്യര്ത്ഥന വേരൂന്നിയത്, എന്നാല് കുരിശു യുദ്ധക്കാര് അദ്ദേഹത്തിന്റെ സന്ദേശം നിരസിച്ചു, ക്രിസ്തുവിന്റെ പഠനങ്ങളെ ജീവിതത്തില് ഉപയോ ഗിക്കുന്നതിനേക്കാള് വിശുദ്ധ സ്ഥലങ്ങളുടെ ഭൗതിക സംരക്ഷണത്തില് ശ്രദ്ധ കേന്ദ്രീകരിച്ചു. ഈജിപ്തിലെ മുസ്ലീം ഭരണാധികാരിയായ സുല് ത്താന് അല്-കാമില് പോലും ജറുസലേമിനെ കുരിശുയുദ്ധക്കാര്ക്ക് തിരികെ നല്കാമെന്ന് വാഗ്ദാനം ചെയ്ത് സമാധാനം തേടിയെങ്കിലും, അദ്ദേഹത്തിന്റെ വാഗ്ദാനം പാപ്പ നിരസിച്ചു.
യുദ്ധത്തിന്റെ നാശത്തില് അഗാധമായി ദുഃഖി തനായി, ഫ്രാന്സീസ് 1219-ല് സുല്ത്താന് അല്-കാമിലിനെ കാണാന് ഈജിപ്തിലേക്ക് യാത്രയായി. മരണമോ തടവോ നേരിടാനുള്ള സാധ്യതയുണ്ടായിരുന്നിട്ടും, ഫ്രാന്സീസ് തന്റെ കൂട്ടാളിയായ ബ്രദര് ഇല്ലുമിനാറ്റോയോടൊപ്പം വെറുപ്പിന് പകരം സംഭാഷണം തേടി ശത്രുരേഖ കള് മറികടന്നു യാത്ര തുടര്ന്നു. അഭൂതപൂര്വമായ ആ യാത്രയില്, ഫ്രാന്സിസ് സുല്ത്താനെ എതിരാളിയായല്ല, സഹോദരനായി സമീപിച്ചു. ഈ കൂടിക്കാഴ്ച, സമാധാനത്തോടുള്ള ഫ്രാന്സീ സിന്റെ പ്രതിബദ്ധതയും സുല്ത്താനുമായുണ്ടായ അഗാധമായ പരസ്പര ബഹുമാനവും പ്രതിഫ ലിപ്പിച്ച നിമിഷമായിരുന്നു. മതപരമായ വ്യത്യാസ ങ്ങള് ഉണ്ടായിരുന്നിട്ടും, സുല്ത്താന് ഫ്രാന്സീ സിനെ ആദരവോടെ സ്വീകരിച്ചു.
ഫ്രാന്സീസും അല്-കാമിലും തമ്മിലുള്ള ഈ കൂടിക ്കാഴ്ച മതാന്തര സംവാദത്തിനുള്ള ഒരു മാതൃകയാണ്, തുറന്ന മനസ്സിലൂടെയും ബഹുമാനത്തിലൂടെയും മറ്റുള്ളവരുമായി ഇടപഴകാനുള്ള സന്നദ്ധതയിലൂടെയും സമാധാനം കൈവരിക്കാന് കഴിയുമെന്ന് തെളിയിക്കുന്നു. അങ്ങനെ, ക്രിസ്തുവിന്റെ സ്നേഹം അതിരുകള് കവിയുന്നുവെന്നും സാഹോദര്യത്തിന് ആഴത്തിലുള്ള വിഭജനങ്ങളെപ്പോലും മറികടക്കാന് കഴിയുമെന്നും ഫ്രാന്സീസ് വെളിപ്പെടുത്തി.
ഗുബിയോയിലെ ചെന്നായയുടെ കഥ
സമാധാനത്തിന്റെ അപ്പസ്തോലനെന്ന നിലയില് വിശുദ്ധ ഫ്രാന്സീസിന്റെ മറ്റൊരു ശക്തമായ കഥ ഗുബ്ബിയോയിലെ ചെന്നായയുമായുള്ള ഏറ്റുമുട്ടലാണ്. കന്നുകാലികളെയും ആളുകളെയും ആക്രമിച്ച ഒരു ചെന്നായ മൂലം ഗുബ്ബിയോ പട്ടണം ഭീതിയിലായി. പേടിച്ചരണ്ട നഗരവാസികള് ഫ്രാന് സീസിനോട് സഹായം തേടി, അദ്ദേഹം ചെന്നായയെ അക്രമത്തിലൂടെയല്ല, അനുകമ്പയോടെയും സംഭാഷണത്തിലൂടെയും നേരിടാന് തീരുമാനിച്ചു.
ചെന്നായ ഭയപ്പെടുത്തുന്ന പല്ലുകളുമായി ഫ്രാന്സീസിന് അടുത്തെത്തിയപ്പോള്, ഫ്രാന് സീസ് കുരിശടയാളം വരച്ച് ശാന്തമായി സംസാ രിച്ചു: "സഹോദരനായ ചെന്നായ, ഇവിടെ വരൂ. ക്രിസ്തുവിന്റെ നാമത്തില് ഞാന് നിങ്ങളോട് അഭ്യര്ത്ഥിക്കുന്നു, നിങ്ങള് എന്നെ ഉപദ്രവിക്കരുത്." ചെന്നായ, ആക്രമിക്കുന്നതിനുപകരം, ഒരു ആട്ടിന്കുട്ടിയെപ്പോലെ ഫ്രാന്സീസിനെ സമീപിച്ചു. അപ്പോള് ഫ്രാന്സീസ് അതുണ്ടാക്കിയ ദ്രോഹത്തെ ക്കുറിച്ച് ചെന്നായയോട് പറഞ്ഞു. ചെന്നായ സമ്മതിക്കുകയും നഗരവാസികള് മനസു മാറ്റുകയും, ചെന്നായക്ക് ഭക്ഷണം നല്കാമെന്ന് വാഗ്ദാനം ചെയ്യുകയും ചെയ്തു. അ ങ്ങനെ അവര് തമ്മില് ഐക്യം സ്ഥാപിച്ചു.
ഈ കഥ, ലളിതമാണെങ്കിലും, അതിന്റെ ഫല ങ്ങള് ആഴത്തിലുള്ളതാണ്. ശത്രുക്കളായി കരുത പ്പെടുന്നവരുമായി പോലും സമാധാനം സാധ്യ മാണെന്നും അക്രമമല്ല, സംവാദമാണ് അനു രഞ്ജനത്തിനുള്ള വഴിയെന്നും ഇത് വെളിപ്പെ ടുത്തുന്നു. ഫ്രാന്സീസിനെ സംബന്ധിച്ചിട ത്തോളം, ഈ ഐക്യവും സമാധാനവും മനുഷ്യരി ലേക്ക് മാത്രമല്ല, എല്ലാ സൃഷ്ടികളിലേക്കും വ്യാപി ച്ചു, ഇത് ദൈവവും എല്ലാ ജീവജാലങ്ങളും തമ്മിലുള്ള ഐക്യത്തെ പ്രതിഫലിപ്പിക്കുന്നു.
വിവിധ മതങ്ങള്ക്കും സംസ്കാരങ്ങള്ക്കും ഇടയില് പാലങ്ങള് പണിയേണ്ടതിന്റെ പ്രാധാന്യം ഫ്രാന്സീസ് പാപ്പ തന്റെ പേരിനു കാരണമായ ഫ്രാന്സീസിന്റെ ചൈതന്യം സ്വീകരിച്ചു കൊണ്ട് സ്ഥിരമായി ഊന്നിപ്പറഞ്ഞിട്ടുണ്ട്. 2024 സെപ്റ്റം ബറില് ഇന്തോനേഷ്യയിലേക്കുള്ള അദ്ദേഹത്തിന്റെ അപ്പോസ്തോലിക യാത്ര സമാധാനത്തിന്റെയും സംഭാഷണത്തിന്റെയും ദര്ശനത്തില് ആഴത്തില് വേരൂന്നിയതാണ്. മതപരവും സാംസ്കാരികവുമായ വൈവിധ്യങ്ങള്ക്ക് പേരുകേട്ട രാജ്യമായ ഇന്തോ നേഷ്യ, വ്യത്യസ്ത വിശ്വാസങ്ങളിലുള്ള ജനങ്ങള് ക്കിടയില് സാഹോദര്യത്തിനും സമാധാനത്തിനും അനുകമ്പയ്ക്കും വേണ്ടിയുള്ള തന്റെ ആഹ്വാനം പുതുക്കാന് ഫ്രാന്സീസ് പാപ്പയ്ക്ക് അനുയോജ്യ മായ സാഹചര്യം ഒരുക്കി.
വിശുദ്ധ ഫ്രാന്സീസ് അസ്സീസിയും ഫ്രാന് സിസ് മാര്പാപ്പയും സമാധാനത്തിന്റെ അപ്പോസ്ത ലന്മാരാകാനുള്ള ആഹ്വാനം ഉള്ക്കൊള്ളുന്നു, അക്രമം നിരസിക്കുകയും സംഭാഷണം അനുരഞ്ജ നത്തിന്റെ പാതയായി തിരഞ്ഞെടുക്കുകയും ചെയ്യു ന്നു. സുല്ത്താന് അല്-കാമിലുമായും കണ്ടുമുട്ടിയ വിശുദ്ധ ഫ്ര ാന്സീസ്, മറ്റുള്ളവരെ ശത്രുക്കളായല്ല, സഹോദരങ്ങളായി കാണുന്നതിലൂടെ സമാധാനം കൈവരിക്കാന് കഴിയുമെന്ന് തെളിയിച്ചു. ക്രിസ്ത്യാ നികളും മുസ്ലീങ്ങളും ഒരുപോലെ പൊതുനന്മ യ്ക്കായി പ്രവര്ത്തിക്കാന് ആഹ്വാനം ചെയ്തു കൊണ്ട് ഫ്രാന്സീസ് പാപ്പയും അദ്ദേഹത്തിന്റെ പാത പിന്തുടര്ന്ന് ആധുനിക ലോകത്ത് ഈ ദൗത്യം തുടരുന്നു.
രണ്ട് വ്യക്തികള്ക്കും, സമാധാനത്തിലേക്കുള്ള ആഹ്വാനം ഒരു അമൂര്ത്തമായ ആദര്ശമല്ല, മറിച്ച് വിശ്വാസത്തിലും സാഹോദര്യത്തിലും അനുകമ്പ യിലും വേരൂന്നിയ ഒരു ജീവിക്കുന്ന യാഥാര്ത്ഥ്യ മാണ്. സംഭാഷണത്തില് ഏര്പ്പെടാനും, ധാരണ യുടെ പാലങ്ങള് നിര്മ്മിക്കാനും, ഓരോ വ്യക്തി യെയും എല്ലാ സൃഷ്ടികളെയും ഒരു കുടുംബ ത്തിന്റെ ഭാഗമായി കാണാനും അവരുടെ ഉദാ ഹരണം നമ്മെ വെല്ലുവിളിക്കുന്നു. അവരുടെ ജീവി തത്തിലൂടെയും പഠിപ്പിക്കലുകളിലൂടെയും, സെന്റ് ഫ്രാന്സിസും ഫ്രാന്സീസ് പാപ്പയും അത് അത്യ ന്തം ആവശ്യമുള്ള ഒരു ലോകത്ത് സമാധാനത്തിന്റെ ഉപകരണങ്ങളാകാന് നമ്മെ ക്ഷണിക്കുന്നു.
Related Posts
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
