ആദ്യത്തെ ജെസ്യൂട്ട് പോപ്പും ആധുനിക കത്തോലിക്കാ സഭയിലെ പരിവര്‍ത്തനാത്മക വ്യക്തിത്വവുമായ പോപ്പ് ഫ്രാന്‍സിസ് (ഹോര്‍ഹേ മരിയോ ബെര്‍ഗോലിയോ) 2025 ഏപ്രില്‍ 21-ന് അന്തരിച്ചു. ഇഗ്നേഷ്യന്‍, ഫ്രാന്‍സിസ്കന്‍ ആത്മീയതകളുടെ സംയോജനത്താല്‍ നിര്‍വചിക്കപ്പെട്ട ഒരു പൈതൃകം അദ്ദേഹം പിന്നില്‍ അവശേഷിപ്പിച്ചു. സിനഡല്‍ തത്വങ്ങള്‍ (സഭാ സമ്മേളന രീതി), വിവേചനം (discernment), 'മജിസ്'(magis: Jesuit term for being more and more ) എന്നിവയില്‍ അച്ചടക്കം പുലര്‍ത്തിയ അദ്ദേഹത്തിന്‍റെ പാപ്പാ ജീവിതം, ജെസ്യൂട്ട് സന്യാസ ആത്മീയതയില്‍ ആഴത്തില്‍ വേരൂന്നിയതായിരുന്നു. അതേസമയം, അസ്സീസിയിലെ വിശുദ്ധ ഫ്രാന്‍സിസിന് പാവങ്ങളൊടുള്ള അനുകമ്പയില്‍ നിന്ന് തിരഞ്ഞെടുത്ത 'ഫ്രാന്‍സിസ്' എന്ന പേര്, കഷ്ടപ്പെടുന്ന മനുഷ്യരോടുള്ള അദ്ദേഹത്തിന്‍റെ അചഞ്ചലമായ ഐക്യബോധത്തിന്‍റെ ചിഹ്നമായി. രണ്ട് വലിയ ആത്മീയ പാരമ്പര്യങ്ങളെ ബന്ധിപ്പിക്കുന്ന അദ്ദേഹത്തിന്‍റെ ആത്മീയ വിശ്വാസ പ്രപഞ്ചം, 'ക്ഷതമേറ്റ ലോകത്തിന് വേണ്ടിയുള്ള ഒരു ആശുപത്രിയായി' സഭാദര്‍ശനവും (Charism ) ദൗത്യവും (Mission ) മാറി.

ഫ്രാന്‍സിസിന്‍റെ ജെസ്യൂട്ട് ആത്മീയ അടിത്തറകള്‍

1936-ല്‍ ബ്യൂണസ് ഐറസില്‍ ജനിച്ച ബെര്‍ഗോലിയോ 1958-ല്‍ ഈശോസഭയില്‍ ചേര്‍ന്നു. ബുദ്ധിപരമായ കര്‍ശനതയും ആത്മീയ വിവേചനവും നിറഞ്ഞ ലൊയോളയിലെ വിശുദ്ധ ഇഗ്നേഷ്യസിന്‍റെ ആത്മീയത അദ്ദേഹം ആശ്ലേഷിച്ചു. സെന്‍റ് ഇഗ്നേഷ്യസിന്‍റെ ആത്മീയ സാധന അദ്ദേഹത്തിന്‍റെ ആദ്യകാല ജീവിതത്തെ രൂപപ്പെടുത്തി. ഇവ വിവേചനബോധം, ആന്തരിക സ്വാതന്ത്ര്യം, എല്ലാറ്റിലും ദൈവത്തെ കണ്ടെത്തല്‍ എന്നിവയ്ക്ക് ഊന്നല്‍ നല്‍കുന്നു. 1973-ല്‍ അര്‍ജന്‍റീനയിലെ ജെസ്യൂട്ടുകളുടെ പ്രൊവിന്‍ഷ്യല്‍ സൂപ്പീരിയര്‍ ആയി തിരഞ്ഞെടുക്കപ്പെട്ട അദ്ദേഹം, രാഷ്ട്രീയ അസ്ഥിരതകള്‍ നേരിട്ടു. പിന്നീട്, യൗവനകാല നേതൃത്വത്തില്‍ എടുത്ത ചില തീരുമാനങ്ങള്‍ പാളിപ്പോയെന്നു സമ്മതിച്ചെങ്കിലും, 'ആഴത്തിലേക്കുള്ള ഒരു തിരിഞ്ഞുനോട്ടം' അതിലൂടെ വളര്‍ന്നുവെന്നും അദ്ദേഹം പ്രസ്താവിച്ചു.

പാപ്പയുടെ ജെസ്യൂട്ട് പ്രമാണങ്ങള്‍

സാമൂഹ്യ വിവേചനം : ഫ്രാന്‍സിസ് വിവേചനത്തെ സാമൂഹ്യപ്രക്രിയയായി കണ്ടു. 2023-2024-ലെ സിനഡാലിറ്റിയെക്കുറിച്ചുള്ള സിനഡ് ഇതിന് ഉദാഹരണം. ലോകത്തിലെയും സഭയിലെയും ധ്രുവീകരണത്തിനിടയില്‍ പരിശുദ്ധാത്മാവിനെ സ്നേഹത്തിലുള്ള സംവാദത്തിലൂടെ കേള്‍ക്കാന്‍ ഇത് ആഹ്വാനം ചെയ്തു.

മാജിസ് : ഈശോസഭക്കാരല്ലാത്തവര്‍ തെറ്റിദ്ധരിക്കപ്പെടാവുന്ന ഈ പദം, ഫ്രാന്‍സിസ് പാപ്പാ ഈശോസഭകര്‍ക്കും 'ദൈവത്തിന്‍റെ ഉപരി മഹത്വം' (അഡ് മജോറം ഡെയ് ഗ്ലോറിയം) എന്നര്‍ത്ഥമാണ്. ലൗദാതോ സി'യിലെ പരിസ്ഥിതി പരിവര്‍ത്തനത്തിനും, അമോറിസ് ലെറ്റീഷ്യ'യിലെ നിയമങ്ങള്‍ക്കും അപരനോടുള്ള കാരുണ്യത്തിനും ഇത് പ്രചോദനമായി.

ദരിദ്രര്‍ക്കുള്ള പ്രാധാന്യം : ജെസ്യൂട്ട് വ്രതമായ ദാരിദ്ര്യം, വ്യക്തിപരമായ ഒരു വ്രതമാണ്. ഒരു കരണവശാലും ഈശോ സഭക്കാരന്‍റെ ദാരിദ്ര്യം മിഷനെ ബാധിക്കാന്‍ പാടില്ല. ഫ്രാന്‍സിസ് പാപ്പായുടെ ജീവിതത്തില്‍ ഈ ഇഗ്നേഷന്‍ വ്രതം എപ്പോഴും ഇതേ അര്‍ത്ഥത്തില്‍ തന്നെ നിലനിന്നു നിലനിന്നു.

ഫ്രാന്‍സിസ്കന്‍ സ്വാധീനങ്ങള്‍

പേരും ദൗത്യവും

'ഫ്രാന്‍സിസ്' എന്ന പേരിന്‍റെ തിരഞ്ഞെടുപ്പ്: പാപ്പായായി തെരഞ്ഞെടുക്കപ്പെട്ട ശേഷം, കാര്‍ഡിനല്‍ ക്ലോഡിയോ ഹ്യൂംസിന്‍റെ 'ദരിദ്രരെ മറക്കരുത്' എന്ന മന്ത്രണം ശ്രദ്ധിച്ച ബെര്‍ഗോലിയോ 'ഫ്രാന്‍സിസ്' എന്ന പേര്‍ സ്വീകരിച്ചു. അസ്സിസിയിലെ സെന്‍റ് ഫ്രാന്‍സിസിന്‍റെ ദാരിദ്ര്യത്തിന്‍റെയും സൃഷ്ടിയോടുള്ള സ്നേഹത്തിന്‍റെയും പാരമ്പര്യം ഇതില്‍ പ്രതിഫലിച്ചു.

പ്രവര്‍ത്തനത്തിലെ ഫ്രാന്‍സിസ്കന്‍ തൂണുകള്‍

സൃഷ്ടിയുടെ പരിപാലനം : ലൗദാതോ സി (2015) പരിസ്ഥിതി സംരക്ഷണത്തെ ഒരു ധാര്‍മ്മിക ചുമതല ആയി പുനര്‍വിചിന്തനം ചെയ്തു. സെന്‍റ് ഫ്രാന്‍സിസ് പ്രകൃതിയെ 'ഒരു സഹോദരി' എന്ന് കാണുന്ന ദര്‍ശനം ഇതില്‍ മുഴുകിയിരിക്കുന്നു.

ദുഃഖിതരോടുള്ള സാമീപ്യം : ആടിന്‍റെ ചൂരുള്ള സഭ എന്ന ഫ്രാന്‍സിസിസ് പാപ്പായുടെ ആഹ്വാനം, ദരിദ്രരുടെ ഇടയില്‍ ജീവിക്കാനുള്ള ഫ്രാന്‍സിസ്കന്‍ ആശയത്തില്‍ നിന്ന് ഉടലെടുത്തതാണ്. ദരിദ്രരുടെ ലോക ദിനം (2017) സ്ഥാപിക്കുകയും, വത്തിക്കാനില്‍ വസതിയില്ലാത്തവര്‍ക്കായി ആരോഗ്യസേവനങ്ങള്‍ വികസിപ്പിക്കുകയും ചെയ്തു.

സമാധാന നിര്‍മ്മിതി : കാനഡയിലെ റെസിഡന്‍ഷ്യല്‍ സ്കൂളുകളില്‍ നടന്ന ശിശുമരണങ്ങളില്‍ സഭയുടെ പങ്കിനെക്കുറിച്ച്, 2022 ല്‍ ഫ്രാന്‍സിസ് പാപ്പാ നടത്തിയ ക്ഷമാപണവും, മത സൗഹാര്‍ദ്ദ സവാദങ്ങളും വിശുദ്ധ ഫ്രാന്‍സിസിന്‍റെ അനുരഞ്ജനത്തോടുള്ള സ്നേഹത്തിന്‍റെ പ്രതിഫലനമായിരുന്നു.

ആത്മീയതകളുടെ സംയോജനം: ഒരു പുതിയ സഭാ ദര്‍ശനം

ഇഗ്നേഷ്യന്‍-ഫ്രാന്‍സിസ്കന്‍ സംവാദമായി സിനഡല്‍ സമ്പ്രദായം : ഫ്രാന്‍സിസ് സിനഡല്‍ സമ്പ്രദായത്തെ 'ഒരുമിച്ചുള്ള യാത്ര' എന്ന് പുനര്‍വിചിന്തനം ചെയ്തു. ഇതില്‍ ജെസ്യൂട്ട് വിവേചനബോധവും ഫ്രാന്‍സിസ്കന്‍ സമൂഹബോധവും ഒത്തുചേര്‍ന്നു. സിനഡ് ദേശീയ-ആഗോള തലങ്ങളില്‍ സാധാരണ സഭാംഗങ്ങളുടെ ശബ്ദം (പ്രത്യേകിച്ച് സ്ത്രീകള്‍, LGBTQ+ സഭാംഗങ്ങള്‍) കേള്‍ക്കാന്‍ ഊന്നിപ്പറഞ്ഞു. മുകളില്‍നിന്നുള്ള നിയന്ത്രണത്തെ എതിര്‍ത്തുകൊണ്ടുള്ള ഈ പ്രക്രിയ, ഇഗ്നേഷ്യസിന്‍റെ സാമൂഹ്യ വിവേചനബോധത്തെയും വിശുദ്ധ ഫ്രാന്‍സിസിന്‍റെ സമത്വവാദ സാഹോദര്യത്തെയും പ്രതിഫലിപ്പിക്കുന്നു.

ദാരിദ്ര്യം: ഒരു ഇരട്ട വിളി: ജെസ്യൂട്ട് ദാരിദ്ര്യം (vowed simplicity) ഫ്രാന്‍സിസ്കന്‍ ദാരിദ്ര്യത്തോട് (identification with the poor) ചേര്‍ന്ന് ഫ്രാന്‍സിസിന്‍റെ സാമ്പത്തിക അസമത്വ വിമര്‍ശനത്തില്‍ പ്രകടമാകുന്നു. സുവിശേഷത്തിന്‍റെ സാമ്പത്തിക മാതൃകയിലേക്ക് മടങ്ങാന്‍ ആഹ്വാനം ചെയ്തു അദ്ദേഹം.

പുതുക്കപ്പെട്ട ഒരു സഭ

ഈസ്റ്റര്‍ തിങ്കളാഴ്ച (2025 ഏപ്രില്‍ 21) ഫ്രാന്‍സിസ് അന്തരിച്ചത് പുനരുത്ഥാനത്തിലെ പ്രതീക്ഷയുടെ പ്രതീകമായി. ഈശോസഭയുടെ ബുദ്ധിപരമായ അന്വേഷണവും ആത്മീയ വിവേചനകലയും ഫ്രാന്‍സിസ്കന്‍റെ കാരുണ്യപൂര്‍ണമായ സാന്നിദ്ധ്യവും ചേര്‍ത്ത് പാപ്പ ഫ്രാന്‍സിസ് പുതിയ നേതൃത്വ മാതൃക നിര്‍വചിച്ചു. 'സിനഡ് ഓണ്‍ സിനഡാലിറ്റി' വഴി, 'എല്ലാവരും മിഷനറിമാര്‍' എന്ന ഇഗ്നേഷ്യന്‍ 'മാജിസ്' (കൂടുതല്‍) ന്‍റെയും അസ്സീസിയിലെ ഫ്രാന്‍സിസിന്‍റെ 'എന്‍റെ സഭ പുനര്‍നിര്‍മ്മിക്കുക' എന്ന വിളിയും മാറ്റൊലിക്കുന്ന ഒരു സഭയുടെ വിത്ത് അദ്ദേഹം വിതച്ചു.

ഇഗ്നേഷ്യസിന്‍റെ വിജ്ഞാനപൂര്‍വമായ വിവേചനവും അസ്സീസിയിലെ ഫ്രാന്‍സിസിന്‍റെ മൂലധാരണാത്മകമായ സ്നേഹവും ഒരു കാരുണ്യസഭയുടെ ദര്‍ശനമായി ചേര്‍ത്തതിലാണ് ഫ്രാന്‍സിസ് പാപ്പായുടെ പൈതൃകം. അദ്ദേഹത്തിന്‍റെ മരണത്തില്‍ സഭ ദുഃഖിക്കുമ്പോള്‍, മുന്നോട്ടുള്ള വഴിയായി സിനഡാലിറ്റി, ദാരിദ്ര്യം, മാജിസ് എന്നിവയുടെ വിളനാദം നിലനില്‍ക്കുന്നു.