കഴുത്ത് വേദനയും നടുവേദനയും നിസ്സാരമാക്കരുത്, ശരിയായ രോഗനിര്ണ്ണയം പ്രധാനം
അസഹനീയമായ കഴുത്തുവേദന , പുറംവേദന അല്ലെങ്കില് നടുവ് നിവര്ത്താന് സാധിക്കാത്ത തരത്തിലുള്ള വേദന ഇന്ന് മിക്കവരും അനുഭവിച്ചു വരുന്ന ഒരു പ്രതിസന്ധിയാണ്. ചെറുപ്പക്കാര് മുതല് പ്രായമായവര് വരെ ഇതിനു കീഴ്പ്പെട്ടിരിക്കുന്നു എന്നത് വേദനാജനകമായ ഒരു കാര്യം തന്നെയാണ്. ജോലി ചെയ്യുന്ന മുതിര്ന്ന വരില് വൈകല്യത്തിനുള്ള ഏറ്റവും സാധാരണ കാരണം നടുവ് വേദന/കഴുത്തു വേദനയാണ്. എന്നാല് എടുത്തു പറയേണ്ട വസ്തുതയെന്തെന്നു വച്ചാല് പലരും ഇതിനെ പലപ്പോഴും നിസ്സാരമായി തന്നെ കാണുന്നു എന്നതാണ്. ഓ ഒരു നടുവ് വേദനയല്ലേ, കുഴമ്പോ അല്ലെങ്കില് ഏതെങ്കിലും ഒരു വേദനാസംഹാരിയോ പുരട്ടിയാല് തീരാവുന്ന പ്രശ്നമല്ലേയുള്ളു എന്ന് ചിന്തിക്കുന്നവരാണ് നമ്മില് ഭൂരിഭാഗം ആളുകളും. ഇനി അതിലും നിന്നില്ലെങ്കില് ചൂടുപിടിച്ചാല് കുറയും എന്ന് വിശ്വസിക്കുന്നവര് കുറവല്ല.
എന്നാല് ഈ നടുവ് വേദന/കഴുത്തു വേദന സ്വയം ചികിത്സയില് ഒതുക്കി വയ്ക്കേണ്ടതാണോ എന്ന് ചിന്തിക്കേണ്ടത് അത്യാവശ്യമാണ്.
എന്തുകൊണ്ടാണ് നമുക്ക് കഴുത്ത് വേദനയ നുഭവപ്പെടുന്നത്?
കഴുത്ത് വേദന വര്ദ്ധിക്കുന്നതിനുള്ള കാരണ ങ്ങള് പ്രധാനമായും ജീവിതശൈലിയിലെ സമീപ കാല മാറ്റങ്ങളാണ്, പ്രത്യേകിച്ച് പുതുതലമുറ. മോശം Posturing ഉം ഉദാസീനമായ ജീവിതശൈലി യുമാണ് പ്രധാന കാരണം ഒരു മൊബൈല്, ലാപ്ടോപ്പ് അല്ലെങ്കില് ഏതെങ്കിലും ഇലക്ട്രോണിക് ഉപ കരണം ഉപയോഗിക്കുമ്പോള് കഴുത്ത് വളരെ യധികം സമയം കുനിഞ്ഞു ചെലവഴിക്കുന്നത് കഴു ത്തിലെ പേശികളില് വളരെയധികം സമ്മര്ദ്ദം (strain)ഉണ്ടാക് കുകയും രോഗാവസ്ഥയിലേക്ക് നയിക്കു കയും ചെയ്യുന്നു (Text neck syndrome).
ദീര്ഘനേരം തുടര്ച്ചയായി വാഹനമോടിക്കു ന്നത് കഴുത്ത് വേദനയ്ക്ക് കാരണമാകും. നില വാരം കുറഞ്ഞ മെത്തയില് ഉറങ്ങുക, വലിയ തല യിണ ഉപയോഗിച്ച് ഉറങ്ങുക, ഇരുന്ന് ഉറങ്ങുക, അല്ലെങ്കില് ചലിക്കുന്ന വാഹനത്തില് ഉറ ങ്ങുക എന്നിവ കഴുത്തിലെ അധിക സമ്മര്ദ്ദത്തിനും തേയ്മാനത്തിനും കാരണമാകും. വര്ദ്ധിച്ചുവരുന്ന ഉദാസീനമായ ജീവിതശൈലി കാരണം കഴുത്തിലെ പേശികള് ആവശ്യമുള്ള ശക്തി നേടുന്നില്ല, അതു കൊണ്ട് നട്ടെല്ലിന് സ്ട്രെയിന് താങ്ങാന്പറ്റാതെ വരുന്നു.
നമ്മുടെ നാഡീവ്യവസ്ഥയില് എന്തെങ്കിലും തകരാറു സംഭവിക്കുന ്നു എന്നതിന്റെ സൂചനയാണ് വേദനയായി അനുഭവപ്പെടുന്നത്. അത് പലവിധത്തില് നമുക്ക് അനുഭവപ്പെടാം. കുത്തുന്ന തരത്തില് അല്ലെങ്കില് പുകച്ചില് , ശരീ രഭാഗം കട്ടുകഴയ്ക്കുന്ന തരത്തില് അല്ലെങ്കില് പൊള്ളിപ്പിടിക്കുന്ന വിധത്തില് അസുഖകരമായ ഒരു വികാരമായി വേദന അനുഭവപ്പെടാം. വേദന കാഠിന്യമേറിയതോ അല്ലെങ്കില് കുറഞ്ഞതോ ആകാം. സ്ഥിരമായോ ഇടവിട്ടോ വേദനയുണ്ടാകാം. ഇതൊന്നുമല്ലെങ്കില് ഒരു പരുക്കുപറ്റിയതിന്റെ ഭാഗമായും വേദന അനുഭവപ്പെടാവുന്നതാണ്.
ഇവിടെ നമ്മള് മനസ്സിലാക്കേണ്ടതെന്തെന്നാല് ഒരു വേദനയും വെറുതെ വരുന്നതല്ല അതിനു ഒരു അടിസ്ഥന കാരണം ഉണ്ടാവും. അത് മനസ്സിലാക്കി അതിനു വേണ്ടുന്ന ചികിത്സ നല്കുക എന്നത് അത്യാവശ്യമാണ്.
സെര്വിക്കല് സ്പോണ്ടിലൈറ്റിസ് (കഴുത്ത് തേയ്മാനം) ഏത് തരത്തിലുള്ള ആളുകളിലാണ് കൂടുതല് കാണുന്നതു എന്നു നോക്കാം.
കമ്പ്യൂട്ടര് പ്രൊഫഷണലുകള്, ലോംഗ് ഡിസ്റ്റ ന്സ് ഡ്രൈവര്മാര്, ഹെവി വര്ക്കര്മാര്, കണ്സ്ട്ര ക്ഷന് വര്ക്കര്മാര്, ഹെഡ് ലോഡിംഗ് വര്ക്കര്മാര്, ഹെവി ഉപകരണങ്ങള് ഉപയോഗിക്കുന്ന പോലീസു കാര്, സുരക്ഷാ ഉദ്യോഗസ്ഥര്,weight lifters, ദന്ത ഡോക്ടര്മാര്, ശസ്ത്രക്രിയാ ഡോക്ടര്മാര്..
പുറം വേദനയ്ക്ക് കാരണമാകുന്നത് എന്താണ്?
* ഭാരമേറിയ വസ്തുക്കള് എടുക്കുക, അല്ലെ ങ്കില് അനുചിതമായ ഭാവത്തില് ഇരിക്കുക തുടര് ച്ചയായി ദീര്ഘനേരം വാഹനമോടിക്കുക, അല്ലെ ങ്കില് കമ്പ്യൂട്ടര്/ മൊബൈല് ഫോണ് എന്നിവയില് അധികനേരം ചിലവഴിക്കുക. ഇതുപോലുള്ള കാര്യങ്ങള് ചെയ്യുമ്പോള് നടുവിന് ഏറെ സമ്മര്ദ്ദം അനുഭവപ്പെടുന്നു..
* ട്രോമ, പരിക്ക്, അല്ലെങ്കില് ഒടിവുകള്
* കശേരുക്കളുടെ ശോഷണം, നട്ടെല്ലിനെ പിന്തു ണയ്ക്കുന്ന പേശികളിലും സന്ധികളിലും ഉണ്ടാ കുന്ന സമ്മര്ദ്ദം അല്ലെങ്കില് പ്രായമാകുന്നതിന്റെ ഫലങ്ങള്
* അണുബാധ
* ട്യൂമര് അല്ലെങ്കില് അസ്ഥികളുടെ അസാധാരണ വളര്ച്ച
* പൊണ്ണത്തടി, ഇത് നിങ്ങളുടെ നട്ടെല്ലിന് ഭാരവും ഡിസ്കുകളില് സമ്മര്ദ്ദവും നല്കുന്നു
* മോശം മസില് ടോണ്
* പേശി പിരിമുറുക്കം അല്ലെങ്കില് രോഗാവസ്ഥ
* ലിഗമെന്റ് അല്ലെങ്കില് പേശി കീറല്
* സന്ധിവാതം പോലുള്ള സന്ധി പ്രശ്നങ്ങള്
* ഓസ്റ്റിയോപൊറോസിസ്, കംപ്രഷന് ഒടിവുകള്
* കശേരുക്കളുടെയും അസ്ഥികളുടെയും (ജനനസമയത്ത് സംഭവിക്കുന്ന) ക്രമ ക്കേടുകള്
* അയോര്ട്ടിക് അനൂറിസം പോലുള്ള ഉദരസംബന്ധമായ പ്രശ്നങ്ങള്
കഴുത്ത് വേദനയുമായി ബന്ധപ്പെട്ട മറ്റു ലക്ഷണങ്ങള് ഇവയാകാം:
- കൈ മരവിപ്പ്
- തലവേദന. കഴുത്ത് വേദനയ്ക്കൊപ്പം മൈഗ്രെയ്നും സാധാരണയായി കണ്ടുവരുന്നു.
- തോളില് വേദന
- നിങ്ങളുടെ കഴുത്തില് മൂര്ച്ചയുള്ള ഷൂട്ടിംഗ് വേദനയോ ഇടത്തരമായ വേദനയോ
നടുവേദനയുമായി ബന്ധപ്പെട്ട ലക്ഷണങ്ങളില് ഇവ ഉള്പ്പെടാം:
- പുറത്ത് കാഠിന്യം കുറഞ്ഞതോ, കത്തുന്ന അല്ലെങ്കില് പിളര്ക്കുന്നതുമായ വേദന; അവ ഒരു സ്ഥലത്ത് ഒതുങ്ങുകയോ ഒരു വലിയ ഭാഗം മൊത്തമായി പടരുകയോ ആവാം.
- കാല്മുട്ടിന് മുകളിലോ താഴെയോ മരവിപ്പ് അനുഭവപ്പെടുക.
- പുറകില് നിന്ന് നിതംബത്തിലേക്കും തുടയുടെ പിന്ഭാഗത്തേക്കും കാല്വിരലു കളിലേക്കും പ്രസരിക്കുന്ന ശക്തമായ, ഷൂട്ടിംഗ് വേദന
- നിങ്ങളുടെ മുതുകിന്റെ മധ്യഭാഗത്തോ താഴെയോ സ്ഥിരമായ വേദന, പ്രത്യേകിച്ച് ദീര്ഘനേരം നില്ക്കുമ്പോഴോ ഇരിക്കുമ്പോഴോ
- അനിയന്ത്രിതമായ മൂത്രം പോക്ക്, മലവിസര്ജ്ജന നിയന്ത്രണം നഷ്ടപ്പെട ല്, രണ്ട് കാലുകള്ക്കും ബലഹീനത എന്നിവ അടിയന്തിര വൈദ്യസഹായം ആവശ്യമുള്ള ഗുരുത രമായ അവസ്ഥയുടെ ലക്ഷണങ്ങളാണ്.
കഴുത്ത് വേദന, പുറം വേദന എന്നിവയുടെ സങ്കീര്ണതകള് എന്തൊക്കെയാണ്?
- നാഡീ ക്ഷതം: നിങ്ങളുടെ നടുവേദന ഒരു ഹെര്ണിയേറ്റഡ് ഡിസ്കില് നിന്നാണെങ്കില്, സുഷുമ്നാ നാഡികളിലെ സമ്മര്ദ്ദം മരവിപ്പ് , പിന്നില് നിന്ന് കാലിലേക്ക് സഞ്ചരിക്കുന്ന കഠിന മായ ഷൂട്ടിംഗ് വേദന അല്ലെങ്കില് ബലഹീനത എന്നിങ്ങനെ പലതരം പ്രശ്നങ്ങള്ക്ക് കാരണമാ യേക്കാം.
- വിഷാദം: പുറം അല്ലെങ്കില് കഴുത്ത് വേദന ഒരു വ്യക്തിയുടെ ജീവിതത്തിന്റെ എല്ലാ പ്രവര്ത്തനങ്ങളെയും തടസ്സപ്പെടുത്തും - ജോലി, ശാരീരിക വ്യായാമം, സാമൂഹിക പ്രവര്ത്തനങ്ങള്, ഉറക്കം. ചലനശേഷിയിലെ മാറ്റവും വേദന മൂലമുണ്ടാകുന്ന ഉത്കണ്ഠയും സമ്മര്ദ്ദവും വിഷാദത്തിലേക്ക് നയിച്ചേക്കാം.
- ശരീരഭാരം: ചലനശേഷി കുറയുന്നതും വ്യായാമം ചെയ്യാനുള്ള കഴിവില്ലായ്മയും ശരീ രഭാരം കൂടാനും പേശികളുടെ ബലം കുറയാനും ഇടയാക്കും.
ഭാവിയില് കഴുത്ത് വേദന കുറയ്ക്കുന്നതിന് ആവശ്യമായ ജീവിതശൈലി പരിഷ്കരണങ്ങളും ശീലങ്ങളും എന്തൊക്കെയാണ്.
മനുഷ്യശരീരം രൂപകല്പ്പന ചെയ്തിരിക്കുന്നത് നിവര്ന്നുനില്ക്കുന്നposture നിലന ിര്ത്തുന്നതി നാണ്, അതിനാല് എല്ലായ്പ്പോഴും ശരിയായposture നിലനിര്ത്തുക. ശരിയായ മെത്തയില് ഉറ ങ്ങുക, ചെറിയ തലയിണ അല്ലെങ്കില് സെര്വിക്കല് തലയിണ ഉപയോഗിക്കുക. ഒരിക്കലും ഇരുന്ന് ഉറങ്ങരുത്. ചലിക്കുന്ന വാഹനത്തില് ഒരിക്കലും ഉറങ്ങരുത്.
കഴുത്ത് വളയാതിരിക്കാന് കമ്പ്യൂട്ടര് / ലാപ്ടോപ്പ് കണ്ണുകള്ക്കു നേരെ വരത്തക്കവിധം ക്രമീകരിക്കുക. കമ്പ്യൂട്ടര് ജോലി, ഡ്രൈവിംഗ് അല്ലെങ്കില് മറ്റേതെങ്കിലും ജോലി എന്നിവയ്ക്കി ടയില് ഇടയ്ക്കിടെ കഴുത്ത് ചലിപ്പിക്കാന് മറക്കരുത്. പേശികളെ ശക്തിപ്പെടുത്തുന്നതിന് കഴുത്തിലെ വ്യായാമങ്ങള് പതിവായി പരിശീലിക്കുക. ഭാരം വളരെ ശ്രദ്ധാപൂര്വ്വം പൊക്കുക. കഴിയുന്നത്ര ഹെഡ്ലോഡിംഗ് ഒഴിവാക്കുക.
പുറം, കഴുത്ത് വേദനകളുടെ ചികിത്സ എപ്രകാരം?
രോഗകാരണ ഘടകത്തെക്കുറിച്ച് ശരിയായ ധാരണയും അവ ഒഴിവാക്കുന്നതും വളരെ അത്യാവ ശ്യമാണ്. ചികിത്സയിലെ ഏറ്റവും പ്രധാനപ്പെട്ട ഘട്ടമാണിത്.പലപ്പോഴും സ്വയം ചികിത്സകള് ഒരു ശാശ്വത പരിഹാരം നല്കില്ല. വൈദ്യസഹായം തേടുക എന്നത് വളരെ ആവശ്യമാണ്.
നിങ്ങള്ക്ക് കടുത്ത വേദന ഉണ്ടെങ്കില് ശരി യായ വിശ്രമത്തിലൂടെ അത് മെച്ചപ്പെടാം. Pain Ointment മരുന്നുകളും ഭൂരിപക്ഷം കേസുകളിലും സഹായകമാകും. ലളിതമായ വേദനസംഹാരികള്, മസില് റിലാക്സന്റുകള് തുടങ്ങിയ മരുന്നുകളും പരീക്ഷിക്കാം.ബ്രേസുകള് അല്ലെങ്കില് കോര്സെറ്റു കള് കഠിനമായ വേദന സമയത്ത് മാത്രം ഉപയോ ഗിക്കുക, തുടര്ച്ചയായി ഉപയോഗിക്കരുത്. തുടര്ച്ചയായ ഉപയോഗം പേശികളുടെ ബലഹീന തയ്ക്ക് കാരണമാകും..
ഹീറ്റ് ആപ്ലിക്കേഷന്, ഡീപ് ടിഷ്യു മസാജ്, ഫിസിയോതെറാപ്പി, അള്ട്രാസൗണ്ട് അല്ലെങ്കില് ഇലക്ട്രിക് stimulation എന്നിവ സഹായിക്കും. സെര്വിക്കല് തലയിണയുടെ പതിവ് ഉപയോഗം കഴുത്ത് വേദന കുറയ്ക്കും. കൈയിലും വിരലിലും മരവിപ്പ് അല്ലെങ്കില് പുകച്ചില് ഉണ്ടെങ്കില് ചില മരുന്നുകള് പ്രത്യേകമായി നല്കാം.(എന്നാല് കര്ശനമായ വൈദ്യോപദേശത്തോടെ മാത്രം) വേദന കുറഞ്ഞുകഴിഞ്ഞാല്, ശരിയായ വ്യായാമങ്ങള്, യോഗ തുടങ്ങിയവ പേശികളെ സ്ട്രെച്ചു ചെയ്യാനും ശക്തിപ്പെടുത്താനും സഹായിക്കും. നിങ്ങളുടെ ഡോക്ടറിന് അല്ലെങ്കില് ഫിസിയോതെറാപ്പിസ്റ്റിന് ഈ വ്യായാമങ്ങള് നിര്ദ്ദേശിക്കുവാന് കഴിയും. എയ്റോബിക് വ്യായാമം അനുവദനീയമായേക്കാം, നിങ്ങളുടെ മൊത്തത്തി ലുള്ള ഫിറ്റ്നസും ശക്തിയും വര്ദ്ധിപ്പിക്കാന് ഇത് സഹായിക്കും. കൃത്യമായ രോഗനിര്ണയം നടത്തിയതിന് ശേഷം മാത്രമേ തിരുമ്മല് (മസാജ്) ചെയ്യാവൂ!
നാഡി ബ്ലോക്ക് - ഇത് ബാധിച്ച നാഡിയില് നിന്നുള്ള വേദന സിഗ്നലുകള് കുറയ്ക്കുന്നു. ഇതും ഡോക്ടറുടെ നിര്ദ്ദേശപ്രകാരം മാത്രം. നിരന്തരമായ അല്ലെങ്കില് ആവര്ത്തിച്ചുള്ള വേദനയ്ക്കു വേദന സംഹാരികളില് നിന്നും ആശ്വാസം കിട്ടിയില്ലെങ്കില് കൂടുതല് ചികിത്സ ആസൂ ത്രണം ചെയ്യുന്നതിന് മുമ്പ് ശരിയായി വിലയിരുത്തണം. നിരവധി ബദല് മെഡിസിന് തെറാപ്പിസ്റ്റുകളും ഡോക്ടര്മാരും വേദനയുടെ കൃത്യമായ കാരണം കൃത്യമായി വിലയിരുത്താതെ ചികിത്സ വാഗ്ദാനം ചെയ്യുന്ന ശീലമുണ്ട്, അത് ദുരന്തകരമായ പ്രത്യാഘാതങ്ങള്ക്ക് കാരണമാകും.
കൃത്യമായ ചികിത്സ ആസൂത്രണം ചെയ്യുന്നതിനുമുമ്പ ് എല്ലാ പരിശോധനകളും ചെയ്ത് വിദ ഗ്ദ്ധോപദേശം തേടുന്നത് വളരെ പ്രധാനമാണ്.. ഇപ്പോള് Xray, --MRI സ്കാന്, CT സ്കാന്, NCS , EMG മുതലായ അത്യാധുനിക അന്വേഷണ രീതിക ളുണ്ട്. ഇത് കാര്യങ്ങള് കൂടുതലായി മനസ്സിലാക്കു വാന് സഹായിക്കുന്നു. ലിഗ്മെന്റുകള്, ടെന്ഡോ ണുകള്, രക്തക്കുഴലുകള് തുടങ്ങിയ മൃദുവായ ടിഷ്യൂകളുടെ ചിത്രങ്ങളും MRI എടുക്കുന്നത് വഴി ലഭിക്കുന്നു. അണുബാധ, ട്യൂമര്, വീക്കം, അല്ലെ ങ്കില് നിങ്ങളുടെ ഞരമ്പിലെ മര്ദ്ദം എന്നിവയുടെ രോഗനിര്ണയത്തിലേക്ക്MRI നയിച്ചേക്കാം. ചിലപ്പോള് രക്തപരിശോധന ആര്ത്രൈറ്റിസ് (ഇത് നടുവേദനയ്ക്കും കഴുത്തിനും വേദനയ്ക്ക് കാരണമാകും) നിര്ണ്ണയിക്കാന് സഹായിച്ചേക്കാം.
ഒരു ഡയഗ്നോസ്റ്റിക് പരിശോധനയ്ക്കും കഴുത്ത് വേദനയോ നടുവേദനയോ ഉണ്ടാക്കുന്ന അടിസ്ഥാന കാരണം നിര്ണ്ണയിക്കാന് കഴിയില്ല.
ഉദാഹരണത്തിന്, ഒരു MRI നട്ടെല്ലിന്റെ ഒരു പ്രത്യേക തലത്തില് ഒരു ഡിസ്ക് ഹെര്ണിയേഷന് സ്ഥിരീകരിക്കുമ്പോള്, ഈ ഹെര്ണിയേറ്റഡ് ഡിസ്ക് വേദന ഉണ്ടാക്കുന്നുവെന്ന് MRI ഇമേജിന് മാത്രം തെളിയിക്കാന് കഴിയില്ല. ഹെര്ണിയേറ്റഡ് ഡിസ്കിന്റെ സ്ഥാനം രോഗിയുടെ വിവരിച്ച ലക്ഷണ ങ്ങളുമായും മറ്റ് ക്ലിനിക്കല് കണ്ടെത്തലുകളുമായും ബന്ധപ്പെട്ടിരിക്കുന്നുവെങ്കില്, ഹെര്ണിയേറ്റഡ് ഡിസ്കായിരിക്കാം വേദനയുടെ കാരണം. അതി നാല് ഒരു നിര്ദ്ദിഷ്ട ഡയഗ്നോസ്റ്റിക് ടെസ്റ്റ് കാണി ക്കുന്നതിനേക്കാള് ക്ലിനിക്കല് രോഗനിര്ണയത്തില് ശ്രദ്ധ കേന്ദ്രീകരിക്കേണ്ടത് പ്രധാനമാണ്.
ഡിസ്ക് പ്രശ്നങ്ങള്.- നിങ്ങളുടെ നട്ടെല്ലിന്റെ അസ്ഥികളെ വേര്തിരിക്കുന്ന റബ്ബര് തലയണക ളാണ് ഡിസ്കുകള്. ഒരു ബള്ജിങ് അല്ലെങ്കില് ഹെര്ണിയേറ്റഡ് ഡിസ്ക് ചിലപ്പോള് ഒരു സുഷുമ്ന നാഡിയോട് വളരെ അടുത്ത് വരാം. ഇത് നാഡിയെ കംപ്രസ് ചെയ്തേക്കാം. ഇത് വേദനയ്ക്ക് കാരണ മാവുകയും നാഡിയുടെ പ്രവര്ത്തനത്തെ ബാധി ക്കുകയും ചെയ്യും. സ്ഥിരമായ വേദന ഉണ്ടാക്കുന്ന, കഴുത്ത് / ഭുജത്തിന്റെ ചലന ബലഹീനത ഉണ്ടാക്കുന്ന ചില ഡിസ്ക് പ്രോലാപ്സുകളില് കീഹോള് ശസ്ത്ര ക്രിയ വളരെ സഹായകരമാണ്. കീഹോള് ശസ്ത്ര ക്രിയ താരതമ്യേന സുരക്ഷിതമായ പ്രക്രിയയാണ്, വിജയ നിരക്ക് 95% ല് കൂടുതലാണ്. ചില കഠിന മായ സന്ദര്ഭങ്ങളില്, രോഗബാധിത പ്രദേശത്ത് കൃത്രിമ ഇംപ്ലാന്റുകള് സ്ഥാപിക്കേണ്ടതുണ്ട്.
ഓപ്പറേറ്റിംഗ് മൈക്രോസ്കോപ്പുകള്, ന്യൂറോ മോണിറ്ററിംഗ്, ഹൈ-ക്ലാ സ് ഇംപ്ലാന്റുകള് പോലു ള്ള ലഭ്യമായ ആധുനിക ഉപകരണങ്ങള് ഉപയോ ഗിച്ച്, സെര്വിക്കല് ഡിസ്ക് പ്രശ്നങ്ങള്ക്കും അനു ബന്ധ പ്രശ്നങ്ങള്ക്കുമായുള്ള ശസ്ത്രക്രിയകള് താരതമ്യേന സുരക്ഷിതവും ലളിതവുമാണ്. കൂടാ തെ ആശുപത്രിവാസം 1-2 ദിവസത്തേക്ക് മാത്രമായിരിക്കും.
ഓര്ക്കുക വലിയ യാത്രകള് എപ്പോഴും ചെറിയ ചുവടുകളില് നിന്നാണ് തുടങ്ങുന്നത്. അതിനാല് വേദന ചെറുതോ വലുതോ ആയിക്കൊള്ളട്ടെ അതി ന്റെ കൃത്യമായ രോഗനിര്ണയം വളരെ പ്രാധാന്യ മര്ഹിക്കുന്നതാണ്. വൈദ്യസഹായം ആവശ്യമായി വരുന്ന സാഹചര്യത്തില് മടികൂടാതെ അത് സ്വീകരിക്കുക. ജീവിതം ആഘോഷിക്കാനുള്ള താണ്. അതിനെ വേദനയുടെ പേരില് തളച്ചിടാതിരി ക്കുക.
ഡോ. അരുണ് ഉമ്മന്
സീനിയര് കണ്സള്ട്ടന്റ് ന്യൂറോ സര്ജന്
ലേക്ഷോര് ഹോസ്പിറ്റല്, കൊച്ചി
Related Posts
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
Add a Title
Add a Title
Add a Title
Add a Title
Change the text and make it your own. Click here to begin editing.
