ഏറ്റവും കൂടുതല്‍ കാണപ്പെടുന്ന ന്യുറോപ്പതിയാണ് ഡയബറ്റിക് ന്യൂറോപ്പതി (Diabetic Neuropathy).  ഇത് പ്രമേഹ രോഗികളില്‍ പകുതിയോളം പേരെ ബാധിച്ചേക്കാവുന്ന ഒന്നാണ്. ചിലര്‍ക്കു ഇത് മിതമായേ ബാധിക്കാറുളളു. പക്ഷേ പലര്‍ക്കും  ഇതു സ്വയം പരിമിതപ്പെടുത്തുന്നതോ അല്ലെങ്കില്‍ വിട്ടുമാറാത്ത വേദനയായോ ഒക്കെ അനുഭവപ്പെടാം. അതുകൊണ്ടു തന്നെ ഇതിന്‍റെ ശരിയായ രോഗനിര്‍ണയത്തിന് സമഗ്രമായ, ക്ലിനിക്കല്‍, ന്യൂറോളജിക്കല്‍ പരിശോധനകള്‍ ആവശ്യമാണ്. ന്യൂറോപ്പതിയുണ്ടാക്കുന്ന മറ്റു അസുഖങ്ങള്‍ ഇല്ല എന്നും ഉറപ്പാക്കേണ്ടതുണ്ട്.

പ്രമേഹ ന്യൂറോപ്പതി (Diabetic Neuropathy)

അനിയന്ത്രിതമായ പ്രമേഹത്തിന്‍റെ ഗുരുതരമായ സങ്കീര്‍ണതയാണ് പ്രമേഹ ന്യൂറോപ്പതി. ഉയര്‍ന്ന ബ്ലഡ് ഷുഗര്‍ നിങ്ങളുടെ ശരീരത്തിലുടനീളമുള്ള നെര്‍വ് ഫൈബറുകളെ കാലക്രമേണ നശിപ്പിക്കും.

ഞരമ്പുകള്‍ക്ക് വേണ്ടത്ര രക്തം ലഭിക്കാത്ത പ്രതിഭാസം -  ന്യൂറോണല്‍ ഇസ്കെമിയ (Neuronal Ischemia) പ്രമേഹ ന്യൂറോപ്പതിയുടെ ഒരു സ്വഭാവവിശേഷമാണ്. ഉയര്‍ന്ന അളവിലുള്ള ഗ്ലൂക്കോസിന്‍റെ അളവ് ഞരമ്പുകള്‍ക്ക് നേരിട്ട് ആഘാതം സൃഷ്ടിച്ചേക്കാവുന്നതുമാണ്. പ്രമേഹ ന്യൂറോപ്പതിയില്‍ കലാശിച്ചേക്കാവുന്ന മാക്രോ വാസ്കുലര്‍ അവസ്ഥകള്‍ക്ക് (Vasa Nervosa) പുറമേ ഞരമ്പുകള്‍ വിതരണം ചെയ്യുന്ന ചെറിയ രക്തക്കുഴലുകള്‍ പരിക്ക് മൂലമാണ് ഈ അവസ്ഥകള്‍ ഉണ്ടാകുന്നത്.

പ്രമേഹ പെരിഫറല്‍ ന്യൂറോപ്പതിയുടെ ലക്ഷണങ്ങളില്‍ ഇവ ഉള്‍പ്പെടാം. (ബാധിച്ച ഞരമ്പുകളെ ആശ്രയിച്ച്)

* തരിപ്പ്

*   മരവിപ്പ് (തീവ്രമായതോ അല്ലെങ്കില്‍ ദീര്‍ഘകാലമായുള്ളതോ ആയ മരവിപ്പ്, പിന്നെ സ്ഥിരമായെന്നു വരാം)

*   പുകച്ചില്‍ എടുക്കുന്നപോലെയുള്ള പ്രതീതി (പ്രത്യേകിച്ചും വൈകുന്നേരങ്ങളില്‍)

*   വേദന

പാദങ്ങളില്‍ ഞരമ്പുകള്‍ തകരാറിലാകുന്നത് കാല്‍ സംവേദനം നഷ്ടപ്പെടുന്നതിനിടയാക്കും. സംവേദനത്തിന്‍റെ അഭാവം മൂലം കാലിലെ പരിക്കുകളും വ്രണങ്ങളും തിരിച്ചറിയാന്‍ കഴിയാതെ വരും.

ചില ആളുകളില്‍ ഈ ലക്ഷണങ്ങള്‍ തീവ്രത കുറഞ്ഞായിരിക്കും കാണപ്പെടുക; എന്നാല്‍ മറ്റു ള്ളവര്‍ക്ക്, പ്രമേഹ ന്യൂറോപ്പതി വളരെ വേദനാജന കവും വിഷമകരവുമാകും.. അവരെ കര്‍മ്മരഹിതര മാക്കാം.

പെരിഫെറല്‍ ന്യൂറോപതിയുടെ സങ്കീര്‍ണ്ണ തകള്‍ കുറയ്ക്കാന്‍ താഴെ പറയുന്നവ ശീലിക്കാം: (വേണ്ടി വന്നാല്‍ ഒരു പാദ വിദഗ്ദ്ധനെ സന്ദര്‍ശിക്കുക)

*   കാലും കാല്‍പാദങ്ങളും ദിവസേന പരിശോധിക്കുക.

*   പാദങ്ങള്‍ വരണ്ടതാണെങ്കില്‍ ലോഷന്‍ പുരട്ടുക.

*   നഖങ്ങളുടെ പരിചരണം നിര്‍ബന്ധമാക്കുക

*   ശരിയായി യോജിക്കുന്ന പാദരക്ഷകള്‍ ധരിക്കുക, കാലിന് പരിക്കേല്‍ക്കാതിരിക്കാന്‍ എല്ലായ്പ്പോഴും അവ ധരിക്കുക.

ഇനി പറയുന്ന ലക്ഷണങ്ങളെ സൂക്ഷിക്കാം:

*   കാഴ്ച്ചയില്‍ ഉണ്ടാവുന്ന മാറ്റങ്ങള്‍

*   സന്തുലിതാവസ്ഥയില്‍ വരുന്ന പ്രശ്നങ്ങള്‍

*   Dysesthesia (ശരീരഭാഗത്തിന് സംഭവിക്കുന്ന അസാധാരണമായ സംവേദനം)

* അതിസാരം (Diarrhoea)

* ഉദ്ധാരണക്കുറവ് (Impotence), രതിമൂര്‍ച്ഛ യിലെത്താന്‍ ബുദ്ധിമുട്ട്-  അനോര്‍ഗാസ്മിയ (Anorgasmia), റിട്രോഗ്രേഡ് ഇജാക്കുലേഷന്‍ (പുരു ഷന്മാരില്‍), അമിതമായ മൂത്രശങ്ക അഥവാ Urinary Incontinence (മൂത്രസഞ്ചിയുടെ നിയന്ത്രണം നഷ്ടപ്പെടുന്നു)

* മുഖം, വായ, കണ്പോളകള്‍ എന്നിവ തൂങ്ങി പോവുന്നു, പേശികളുടെ ബലഹീനത, വിഴുങ്ങാന്‍ ബുദ്ധിമുട്ട്, സംസാര ശേഷി  കുറയുക എന്നിവയും സംഭവിക്കുന്നു.

* Fasciculation (പേശികളുടെ സങ്കോചങ്ങള്‍)

പ്രമേഹമുള്ള ആര്‍ക്കും ന്യൂറോപ്പതി ഉണ്ടാ യെന്നു വരാം, എന്നാല്‍ ഈ ഘടകങ്ങള്‍ നിങ്ങളെ നാഡികളുടെ തകരാറിന് ഇടയാകുന്നു. മറ്റ് അപക ടകരമായഘടകങ്ങള്‍ എന്തൊക്കെയെന്ന് നോക്കാം.

* നാഡികളുടെ തകരാറുള്‍പ്പെടെയുള്ള പ്രമേഹത്തിന്‍റെ എല്ലാ സങ്കീര്‍ണതകള്‍ക്കും ഏറ്റവും വലിയ അപകടസാധ്യത ഘടകമാണ് രക്തത്തിലെ പഞ്ചസാര നിയന്ത്രണം.

* നിങ്ങളുടെ രക്തത്തിലെ പഞ്ചസാരയുടെ അളവ്  നന്നായി നിയന്ത്രിക്കപ്പെടുന്നില്ലെങ്കില്‍ പ്രമേഹ ന്യൂറോപ്പതിയുടെ അപകടസാധ്യത കാര്യമായി തന്നെ വര്‍ധിച്ചുവന്നേക്കാം.

* പ്രമേഹം വൃക്കകള്‍ക്ക് നാശമുണ്ടാക്കാം, ഇത് രക്തത്തിലെ വിഷവസ്തുക്കളെ വര്‍ദ്ധിപ്പിക്കുകയും നാഡികളുടെ തകരാറിന് കാരണമാവുകയും ചെയ്യും.

* ബോഡി മാസ് സൂചിക (BMI) 24 ല്‍ കൂടുത ലുള്ളത് പ്രമേഹ ന്യൂറോപ്പതി വരാനുള്ള സാധ്യത വര്‍ദ്ധിപ്പിക്കും.

* പുകവലി നിങ്ങളുടെ ധമനികളെ സങ്കുചിത മാക്കുകയും കഠിനമാക്കുകയും ചെയ്യുന്നു, ഇത് നിങ്ങളുടെ കാലുകളിലേക്കുള രക്തയോട്ടം കുറ യ്ക്കുന്നു. ഇത് മുറിവുകളെ സുഖപ്പെടുത്തുന്നത് കൂടുതല്‍ പ്രയാസകരമാക്കുകയും പെരിഫറല്‍ ഞരമ്പുകളുടെ സമഗ്രതയെ നശിപ്പിക്കുകയും ചെയ്യുന്നു.

ചികിത്സ

* കാലക്രമേണ പ്രമേഹത്തെ നന്നായി നിയന്ത്രിക്കുന്നത് പ്രമേഹ ന്യൂറോപ്പതിയെ ചികിത്സിക്കുന്നതിനുള്ള താക്കോലാണ്. ന്യൂറോപ്പ തിക്ക് ചികിത്സയൊന്നുമില്ല, പക്ഷേ നിങ്ങളുടെ രക്തത്തിലെ പഞ്ചസാരയെ ടാര്‍ഗെറ്റ് പരിധിയില്‍ സൂക്ഷിക്കുന്നത് രോഗലക്ഷണങ്ങള്‍ കുറയ്ക്കു കയും അവ വഷളാകുന്നത് തടയുകയും ചെയ്യും.

* വേദന കുറയ്ക്കുവാനായി ചില പ്രത്യേക  വേദന സംഹാരികള്‍ അല്ലെങ്കില്‍ ക്രീമുകള്‍  ഉപയോഗിക്കാവുന്നതാണ്. വിഷാദരോഗത്തിന് ചികിത്സിക്കാന്‍ ഉപയോഗിക്കുന്ന മരുന്നുകളായ ട്രൈസൈക്ലിക് ആന്‍റീഡിപ്രസന്‍റ്സ്(Tricyclic Antidepressants), മറ്റ് ആന്‍റീഡിപ്രസന്‍റ് മരുന്നുകള്‍,  എശേെ നിയന്ത്രിക്കുന്ന മരുന്നുകള്‍ എന്നിവ ഇതില്‍ ഉള്‍പ്പെടാം. ഏത് മരുന്നാണ്, ഏത് അളവില്‍ കഴിക്കണം എന്നത് ഓരോ വ്യക്തിക്കും വ്യത്യ സ്തമാണ്.  ഇത് കര്‍ശനമായി ന്യൂറോ സ്പെഷ്യ ലിസ്റ്റിന്‍റെയും പ്രമേഹ വിദഗ്ദ്ധന്‍റെയും മേല്‍നോട്ട ത്തില്‍ മാത്രമേ  എടുക്കാവൂ.

ആളുകള്‍ ചിലപ്പോള്‍ ഏീീഴഹലളില്‍ തിരയുകയും വിഷാദം / ഫിറ്റ് എന്നിവയ്ക്കുള്ള മരുന്നുകള്‍ ന്യൂറോപ്പതിക്ക് തെറ്റായി നല്‍കിയിട്ടുണ്ടെന്ന് സ്വയം തീരുമാനിക്കുകയും ചെയ്യുന്നു. അതിനാല്‍ ഈ മരുന്നുകള്‍ ഉപദേശപ്രകാരം എടുക്കില്ല, അതിനാല്‍ ശരിയായ ചികിത്സയുടെ അഭാവം കാരണം വളരെ ക്കാലം വേദന അനുഭവിക്കേണ്ടിവരുന്നു..

ഈ മരുന്നുകളുടെ ന്യൂറോപ്പതി അളവ് , അതിന്‍റെ മറ്റ് സൂചനകളില്‍ നിന്ന് വ്യത്യസ്തമാ ണെന്ന്  മനസ്സിലാക്കണം.. കൂടാതെ   ഈ മരുന്നു കള്‍ തൃപ്തികരമായ ആശ്വാസം ഉണ്ടാക്കാന്‍ വളരെ യധികം സമയമെടുക്കും..

* അക്യൂപങ്ചര്‍, ബയോഫീഡ്ബാക്ക് പോലുള്ള കോംപ്ലിമെന്‍ററി ചികിത്സകള്‍ പരീക്ഷിക്കാം..

* വ്യായാമങ്ങള്‍, സ്ട്രെച്ചിങ്, മസാജ് എന്നിവ പോലെയുള്ള ഫിസിക്കല്‍ തെറാപ്പികള്‍ പരീ ക്ഷിക്കാം . ചൂടോ ഐസോ എന്നിവ  ശ്രദ്ധിച്ചു മാത്രം ഉപയോഗിക്കുക. ന്യൂറോപ്പതി  താപനിലയി ലുളള മാറ്റങ്ങള്‍  മനസിലാക്കുന്നതു ബുദ്ധി മുട്ടാക്കും. ട്രാന്‍സ്ക്യുട്ടേനിയസ് ഇലക്ട്രിക്കല്‍ നാഡി ഉത്തേജനം (TENS), ചര്‍മ്മത്തിലെ നാഡി അറ്റങ്ങളില്‍ വൈദ്യുതിയുടെ ഹ്രസ്വമായ പള്‍സ് പ്രയോഗിച്ച് വേദന കുറയ്ക്കുന്ന ഒരു തരം തെറാപ്പിയാണ്.

ഓര്‍ത്തുവെക്കുക

പ്രമേഹ ന്യൂറോപ്പതിയെ തടയുന്നതിനുള്ള ഏറ്റവും നല്ല മാര്‍ഗ്ഗം രക്തത്തിലെ ഗ്ലൂക്കോസിന്‍റെ അളവ്  നോര്‍മലായി നിലനിര്‍ത്തുക എന്നതാണ്. അളവ് സ്ഥിരമായി നിലനിര്‍ത്തുന്നത് ഞരമ്പുകളെ സംരക്ഷിക്കുന്നു.  ആരോഗ്യകരമായ ഒരു ജീവിത ശൈലിയിലൂടെ പ്രമേഹത്തെ വിജയകരമായി തടയാനും നിയന്ത്രിക്കാനും കഴിയും.

ഡോ. അരുണ്‍ ഉമ്മന്‍

സീനിയര്‍ കണ്‍സള്‍ട്ടന്‍റ്

ന്യൂറോ സര്‍ജന്‍

ലേക്ഷോര്‍ ഹോസ്പിറ്റല്‍, കൊച്ചി