മതവുമായി സ്വയം ബന്ധപ്പെടുത്താനാവായ്കയും (personal disconnect), മതത്തിനുപരിയായി ഒരാൾ വ്യക്തിപരമായി വളർച്ച പ്രാപിക്കുന്നതും, അവിശ്വാസവും സന്ദേഹത്വവും വർദ്ധിക്കുന്നതും, മതം യുക്തിക്കും ശാസ്ത്രത്തിനും എതിരാണെന്ന വിശ്വാസവും, ജീവിതശൈലി തിരക്കുള്ളതായതും (busy lifestyle), ചലനാത്മകത (mobility) വർധിച്ചതും, ലൗകികത്വം (secularism) വർധിച്ചതും, താൻപോരിമത്വം (individualism) വർധിച്ചതും

മതാനുയായികളുടെ കപടതയും (hypocricy), മതനേതൃത്വത്തിലുള്ളവരുടെ ഭാഗത്തുനിന്നുള്ള നിന്ദ്യമായ അകൃത്യങ്ങളും (scandals), മതനേതൃത്വത്തിലുള്ളവരുടെ ഭാഗത്തുനിന്ന് ഉണ്ടായിട്ടുള്ള നെഗറ്റീവ് അനുഭവങ്ങളും, ഒക്കെയാണ് ആളുകൾ മതത്തിൽനിന്ന് അകലുന്നതിനുള്ള കാരണങ്ങൾ എന്നാണ് പൊതുവേ പറയപ്പെടുന്നത്.

അവിശ്വാസവും സന്ദേഹത്വവും വർദ്ധിക്കുന്നതിനെ സംബന്ധിച്ച് മതത്തിന് കാര്യമായി എന്തെങ്കിലും ചെയ്യാനുണ്ടെന്ന് തോന്നുന്നില്ല. ലൗകികത്വം വർധിച്ചതിനെയും താൻപോരിമത്വം വർധിച്ചതിനെയും സംബന്ധിച്ചും അങ്ങനെതന്നെ. ആഗോളവത്ക്കരണത്തിൻ്റെ ഭാഗമായിട്ടാണ് ചലനാത്മകത്വം വർധിച്ചിട്ടുള്ളത്. ഒരാഴ്ച ഉള്ള സ്ഥലത്താവില്ല പലരും അടുത്തയാഴ്ച ഉള്ളത്. അതുകൊണ്ടുതന്നെ, ഒരു പ്രാദേശിക സഭയിലെ പങ്കാളിത്തം സാധ്യമായാതെ വരികയും പലരും പതിവുകളിൽ നിന്ന് വീണു പോവുകയും ചെയ്യുന്നു.